سەقاناسیا هەرێمێ دبێژیت، ئەڤرۆ ئەگەرێ تۆزبارینەکا کێم ل چەند دەڤەرێن هەرێمێ هەیە و سەقاناسیا عێراقێ ژی راگەهاند، ژ سوبەهی ڤە پێلەکا تۆزبارینێ دێ دەڤەرێن هەرێما کوردستانێ ڤەگریت و پلەیێن گەرمێ ژی دێ هێنە خار.

ئەڤرۆ ئێکشەمبی، سەقاناسیا هەرێمێ راگەهاند، ئەڤرۆ پلەیێن گەرمێ دێ زێدەتر هێنە خار و هەڤبەر ب دوهی سێ بۆ چار پلەیان دێ هێنە خار و دبێژیت ژی، ئەگەرێ تۆزبارینەکا کێم هەیە ل چەند دەڤەرێن هەرێمێ.

سەقاناسیا هەرێمێ دەربارێ سەقایێ سوبەهی  ژی بەحسا وێیەکێ کر، پلەیێن گەرمێ دوو بۆ سێ پلەیان دێ هێنە خار.

هەڤدەم، سەقاناسیا عێراقێ ژی گوتی، ژسوبەهی ڤە پێلەکا تۆزبارینێ دێ دەڤەرێن عێراقێ و بەشەکا هەرێما کوردستانێ ڤەگریت و پلەیێن گەرمێ ژی دێ نزم بن.

بلندترین پلەیێن گەرما پێشبینیکری ل هند دەڤەرێن هەرێمێ ب پلەیا سیلیزی بڤی ئاوایی یە:

هەولێر : ٣٥ پلەیا سیلیزی

سلێمانی : ٣٠ پلەیا سیلیزی

دهۆک : ٣٠ پلەیا سیلیزی

کەرکوک : ٣٤ پلەیا سیلیزی

زاخۆ : ٣١ پلەیا سیلیزی

هەلەبجە : ٣٠ پلەیا سیلیزی

سۆران : ٢٩ پلەیا سیلیزی

حاجی ئۆمەران : ١٩ پلەیا سیلیزی

گەرمیان : ٣٦ پلەیا سیلیزی