PM:01:17:17/05/2025
636 جار خوێندراوەتەوە
+
-
بتنێ حەفتیەک مایە بۆ
وەرگرتنا کارتا بایۆمێتری و کۆمسیۆن ژی دبێژیت، ل رۆژێن ئەینی و بێهنڤەدانان ژی
بنگەهێ وان دێ ڤەکری بن و داخاز ژ وەلاتیان دکەن سەرەدانا وان بکەن و کارتێن خۆ
وەربگرن داکو وان مافێ دەنگدانێ هەبیت.
ئەڤرۆ شەمبی، کۆمسیۆنا بلندا
سەربخۆیا هەلبژارتنێن عێراقێ راگەهاند، رۆژانە دەمژمێر هەشتی سپێدێ تا پێنجی
ئێڤاری بنگەهێن وان ڤەکرینە و وەلاتی دشێن سەرەدانا وان بکەن و کارتێن خۆ
وەربگرنەڤە یان نوی بکەن، دبێژیت ژی، هەر کەسەکی ئاریشەیا پەنجەمۆرێ هەبیت دڤێت
سەرەدانا وان بکەت داکو ئاریشەیا وی چارەسەر بکەن.
ئاماژە ب وێ یەکێ ژی کر،
ژدایکبوویێن 2007ـێ ل ڤێ هەلبژارتنێ مافێ دەنگدانێ هەیە و دشێن سەرەدانا بنگەهێن
وان بکەن داکو خۆ تۆمار بکەن.
بەحسا وێ یەکێ ژی کر، ل
173 بنگەهان ل هەرێما کوردستانێ پێشوازی ژ وەلاتیان دهێتەکرن بۆ تۆمارکرن و
نویکرنا داتایێن وان و چارەسەرکرنا ئاریشەیێن دی.
گوت ژی، داخاز ژ وەلاتیان
دکەت ب زویترین دەم سەرەدانا وان بکەن و کارتێن خۆ وەربگرنەڤە یان داتایێن خۆ
تۆمار بکەن، ئەگەر نە وان مافێ دەنگدانێ نابیت.
ئەڤە د دەمەکی دایە،
بڕیارە ل رۆژا 11ـێ هەیڤا 11 یا ئەڤسالە هەلبژارتنا گەڕا شەشێ یا پەرلەمانێ عێراقێ
بهێتە ئەنجامدان.