PM:10:19:14/05/2025
680 جار خوێندراوەتەوە
+
-
رێڤەبەریا گشتی یا حەج و عومرەیا کوردستانێ راگەهاند، گۆهرینا ٢ هزار
دۆلاران بۆ هەر حەجیەکێ ب ١٣٢ هزار دینارانە، حەجی دشێن سەردانا لقێن بەنکا جیهان
بکەن ب مەرەما مفاوەرگرتنێ ژ وی کۆژمێ پارەی.
ئەڤرۆ چارشەمبی،
رێڤەبەریا گشتی یا حەج و عومرەیا کوردستانێ راگەهاند، ژلایێ بەنکا ناڤەندی یا
حکومەتا فیدرالی ڤە کۆژمێ وی پارەیێ پێدڤی ب دۆلار ئێخستیە سەر بەنکا جیهان دا کو
ب بهایێ بەنکا ناڤەندی بۆ هەر حەجییەکێ ٢ هزار دۆلاران بگۆهرن.
ئاماژە ب وێیەکێ ژیکر، هەر حەجییەک زێدەتری ٢٠٠ هزار دینار بۆ دهێنە
ڤەگەراندن هەڤبەر بازاری کو د ڤی کاری دا هزار و ١٣٦ حەجی مفادار دبن کو ئەگەر
هەمی حەجی کۆژمێ وی پارەی وەربگرن کۆما مفایی بۆ حەجیێن کوردستانێ زێدەتر دبیت ژ
ئێک ملیار دینار.
بەحسا وێیەکێ ژیکر، رێڤەبەریا وان هەمی داتا داینە بەنکا جیهان و هەر
حەجیەکێ بڤێت وی پارەی بگۆهریت پێدڤیە پاسپۆرت و ڤیزایا خۆ دگەل خۆ ببەت و نابیت چ
کەسەک ل جهێ کەسەکێ دی پارەی وەربگریت و لقێن بەنکا جیهان ل هەولێرێ و سلێمانیێ هەنە
و حەجیێن باژێرێ دهۆکێ ژی دشێن سەردانا باژێرێ هەولێرێ بکەن بۆ وێ مەرەمێ.