سەرنووچە:

ل عێراقێ سێ ملیۆن و 600 هزار دەنگدەرێن نوی بۆ هەلبژارتنا بهێت هاتینە تۆمارکرن

PM:04:58:14/05/2025

680 جار خوێندراوەتەوە

+ -

سەرۆکێ تیما ڕاگەهاندنا سەربخۆیا هەلبژارتنێن بلندا سەربخۆیا عێراقێ ڕاگەهاند، د کڤانێ وان رێکارێن نوی کو گرتینەبەر، شیاینە سێ ملیۆن و 600 هزار دەنگدەرێن نوی بۆ هەلبژارتنا بهێت یان پەرلەمانێ عێراقێ تۆمار بکەن.

ئەڤرۆ چارشەمبی، عیماد جەمیل سەرۆکێ تیما ڕاگەهاندنا کۆمسیۆنا بلندا سەربخۆیا هەلبژارتنێن عێراقێ د داخویانیەکێ دا راگەهاند، رێکارێن وان بریتیبوون ژ درێژکرنا دەمێ دەوامێ و کارکرن ل رۆژێن بێهنڤەدانێ، گەریانا تیمێن وان ل زانکۆ و سازیان و مالێن وەلاتیان، بووینە سەدەمێ زێدەکرنا رێژەیا نویکرنا تۆمارا دەنگدانێ و تۆمارکرنا دەنگدەرێن نوی.

ئاماژە ب وێ یەکێ ژی کر، ب رێکا تیمێن گەرۆک سێ ملیۆن و 600 هزار دەنگدەرێن نوی کو ژدایکبوویێن 2004 تا 2007 بایۆمێتری بۆ وان هاتیە ئەنجامدان.

هەڤدەم، ژلایەکێ دی ڤە جومانە غەلای پەیڤدارا کۆمسیۆنا هەلبژارتنێن عێراقێ بۆ ئاژانسا ئەنادۆل ڕاگەهاند، لدویف فۆرما خارنێ یا وەزارەتا بازرگانیا عێراقێ، ژ 25ـێ ئادارێ ڤە تا 13ـێ ڤێ هەیڤێ، زێدەتری ملیۆنەکا کەسێن ژدایکبوویێن سالا 2007ـێ ناڤێ خۆ بۆ تۆمارا دەنگدانێ تۆمارکرینە.

ئەڤە د دەمەکی دایە، بڕیارە رۆژا 11ـێ هەیڤا 11 یا ئەڤسالە هەلبژارتنا گەڕا شەشەما پەرلەمانێ عێراقێ بهێتە ئەنجامدان.

گەلەری