PM:12:04:14/05/2025
204 جار خوێندراوەتەوە
+
-
نوینەرەکێ مامۆستایێن
گرێبەست ڕاگەهاند، وەزارەتا داراییا حکومەتا رێڤەبرنا کاران ب وان گوتیە نەشێن
مووچەیێ مامۆستایێن گرێبەست دگەل وەزارەتان دا دابەش بکەن و دێ ناڤەراستا حەفتیا
بهێت دابەش کەن، دەربارەی مووچەیێ هەیڤا 12 ژی داراییا هەرێمێ گوتیە، مووچەیێ وێ
هەیڤێ ناهێتەدان.
ئەڤرۆ چارشەمبی، کارۆخ
عەبدولا نوینەرێ مامۆستایێن گرێبەست بەلاڤکر، لسەر ماف و شایستەیێن مامۆستایێن
گرێبەست، وان پەیوەندی ب وەزارەتا داراییا حکومەتا رێڤەبرنا کاران کریە داکو
مووچەیێ وان دگەل وەزارەتا پەروەردێ دا دابەش بکەن، لێ ب وان هاتیە گوتن نەشێن و
ناڤەراستا حەفتیا بهێت دێ مووچەیێ وان دابەش کەن.
ئاماژە ب وێ یەکێ ژی کر،
وان نڤیسارا فەرمیا دیوانا جڤاتا وەزیران هەیە داکو مووچەیێ مامۆستایێن گرێبەست
دگەل وەزارەتا پەروەردێ دا بهێتە دابەشکرن.
ئەو یەکژی بەرچاڤکر، لسەر
مووچەیێ هەیڤا 12 ژی دگەل وەزارەتا پەروەردێ ئاخفتینە و وان داخاز کریە بهێتە
دابەشکرن ژبەرکو مووچەیێ وان لسەر داهاتێ ناڤخۆیە، لێ وەزارەتا داراییا هەرێمێ ب
وان گوتیە، هەڤئاوایێ مووچەیێ فەرمانبەران نەشێن مووچەیێ وان ژی دابەش بکەن.