AM:10:13:11/05/2025
532 جار خوێندراوەتەوە
+
-
سەرۆکێ جڤاتا
کۆمسیارێن کۆمسیۆنا هەلبژارتنێن عێراقێ راگەهاند، بەرهەڤین بۆ ئەنجام دانا
هەلبژارتنێ د دەمێ دیاریکری دا. گوت ژی، هەلبژارتن ب یاسایا ژمارە ١٢ یا سالا
٢٠١٨ێ سەرڕاستکری ب ڕێڤەدچیت.
ئەڤڕۆ ئێکشەمبی ١١ـی ئەیارێ، عومەر ئەحمەد،
سەرۆکێ جڤاتا کۆمسیارێن کۆمسیۆنا هەلبژارتنێن عێراقێ بۆ رۆژنامەیا سەباحی راگەهاند،
جڤاتا وەزیران بڕیارا ژمارە (٢٦٨) یا سالا
٢٠٢٥ێ دەرکر کو تێدا ١١ـێ تشرینا دووێ یا ئەڤسالە وەکی دەمێ ئەنجام دانا
هەلبژارتنا پەرلەمانێ عێراقێ دیارکر، کۆمسیۆنا هەلبژارتنان ژلایێ تەکنیکی ڤە یا
بەرهەڤە بۆ ئەنجام دانا ڤێ پرۆسەیێ د دەمێ دیاریکر دا.
ئاماژە ب وێیەکێ
ژیکر، کۆمسیۆنێ خشتەیەکێ دەمکی بۆ کارێن پرۆسەیا هەلبژارتنێ بەرهەڤکریە، کو ژلایێ
جڤاتا کۆمسیاران هاتییە پەسەندکرن، د خشتەی دا دەمێ هەمی قوناغێن پرۆسەیا
هەلبژارتنێ ب ئاوایەکێ تێروتەسەل ژ خۆ دگریت، ژبەر هندێ کۆمسیۆن ب تەمامی یا
بەرهەڤە بۆ ئەنجام دانا هەلبژارتنێ.
دەربارێ وێ
یاسایا هەلبژارتنا داهاتێ پێ ڕێڤەدچیت گوت، یاسایا هەلبژارتنا بەرکار کو هەلبژارتن
پێ دهێتە بڕێڤەبرن بریتییە ژ یاسایا هەلبژارتنا جڤاتا نوینەران و جڤاتا پارێزگەهـ
و قەزایان، ژمارە ١٢ یا سالا ٢٠١٨ یا سەرڕاستکری.