PM:04:53:26/04/2025
180 جار خوێندراوەتەوە
+
-
گەڕا سێیێ یا
گۆتووبێژێن ئەمریکا و ئیرانێ ل مەسقەتا عوممان ب دویماهی هات. پەیڤدارێ وەزارەتا
دەرڤەیا ئیرانێ ژی دبێژیت، گۆتووبێژێن وان دگەل ئەمریکا گەلەک ڕژدبوون، هەڤدەم،
میدیایا فەرمی یا ئیرانێ ژی راگەهاند، گۆتووبێژێن ئەڤجارە گەلەک درێژ بوون هەڤبەر
ب گۆتووبێژێن بەری نوکە.
ئەڤڕۆ شەمبی ٢٦ـێ نیسانێ،
میدیایا فەرمی یا ئیرانێ راگەهاند، گەڕا سێیێ یا دانوستاندنا نەڕاستەوخۆ یا
ناڤبەرا ئەمریکا و ئیرانێ ب سەرۆکاتییا عەباس
عێراقچی وەزیرێ دەرڤەیا ئیرانێ و ستیڤ ویتکۆف نوینەرێ تایبەتێ دۆنالد ترەمپ سەرۆکێ
ئەمریکا بۆ رۆژهەلاتا ناڤەڕاست ل باژێڕێ مەسقەتا عوممان ب ناڤبەیناکرییا وەزیرێ دەرڤەیێ عوممان ب دویماهی هات.
هەڤدەم، ئیسماعیل باقایی پەیڤدارێ وەزارەتا دەرڤەیا ئیرانێ ئاماژە ب وێیەکێ
کر، دانوستاندنێن نەڕاستەوخۆیێن ئیرانێ و ئەمریکا د سەقایەکێ ڕژد دا بەردەوامن و
هەردوو ئالیان هەلویست و بۆچوونێن خۆ دەربارێ کێمکرنا سزایان و دروستکرنا باوەڕیێ
دەربارێ سروشتێ ئاشتیانەێێ بەرنامەیێ ئەتۆمیێ ئیرانێ، پاراستنا مافێ ئیرانێ بۆ
بکارئینانا ئاشتیانەیا ئەنەرژییا ئەتۆمی ب ڕێکا عوممانێ لهەڤگۆهڕینێ دکەن.