PM:10:41:25/04/2025
640 جار خوێندراوەتەوە
+
-
وەزارەتا ساخلەمیا هەرێمێ راگەهاند، سەرژێکرنا ئاژەلان د مالان دا ب هەمی ڕەنگەکی
قەدەغەیە و سەرژێکرن ب تنێ ل جهێن رێک پێ هاتیە دان دبیت.
ئەڤڕۆ ئەینی ٢٥ـێ
نیسانێ، وەزارەتا ساخلەمیا هەرێمێ پشتی زێدەبوونا هژمارا
توشبوویێن نەخۆشیا تایا خوینبەربوونێ ل باژێڕین ناڤەڕاست و باشوورێ عێراقێ و ژبەر
نیزێک بوونا جەژنا قوربانێ ب مەرەما کۆنترۆلکرنا ڤێ نەخۆشیێ چەند رێنمایەک بەلاڤکرن.
راگەهاند ژی، بۆ ڤێ مەرەمێ داخازێ ژ وەلاتییان دکەین هاریکاریا مە بکەن و
ڤان خالێن ل خارێ جێبەجێ بکەن:
١- سەرژێکرنا ئاژەلان د مالان دا ب هەمی ڕەنگەکی قەدەغەیە و ب تنێ ل جهێن
رێک پێ هاتییە دان دروستە.
٢- پێگیربوونا قەسابان ب ژبەرکرنا کەلوپەلێن خۆپاراستنێ ب تایبەتی دەستکێشێن
لاستیک و جلۆبەرگێن تایبەت د دەمێ مامەلەکرنێ دگەل ئاژەلان یان گوشت و خوین ب
ئاوایەکێ تەمام، ل دەمێ ئەنجام دانا سەرپێچیێ ب تووندی دێ هێنە سزادان.
٣- پێدڤییە ئاژەل بهێنە چارەسەرکرن ب ڕەشاندنێ و بۆ دەمێ دوو حەفتییان بەری
سەرژێکرنێ.
٤- پشتی سەرژێکرنا ئاژەلی دڤێت جهێ وی بهێتە پاقژکرن ب بکارئینانا ڤەگرتیا
کلۆر ٠.٥٪ و ب بکارئینانا فاسێ ب ڕێژەیا ٦٪ و هەر بەشەک فاس بۆ ١١ بەشێن ئاڤێ،
هەروەسا ب هەمان ئاوا پاقژکرنا کەلوپەلێن هاتینە بکارئینان بۆ سەرژێکرنێ و پارچە پارچەکرنا
گوشتی.
٥- دڤێت وەلاتی گوشتی سوور ژ جهێن باوەڕ پێکری بکڕن و دەستکێشان ل دەست
بکەن و ئاگەهدار بن دەستێ وان چ برین لەسەر نەبن و ئەو تەختەیێ گوشت لسەر دهێتە
پارچە پارچەکرن یێ کەسک بیت، دیڤدا ئەو جهـ بهێتە پاقژکرن ب ئاڤا گەرم و سابینێ و
دیڤدا ب هەمان ئاوایێ خالا سێیێ و کەلاندنا گوشتی بۆ دەمەکی کو ژ ٣٠ چرکەیان کێمتر
نەبیت.
٦-- لبەرکرنا جلوبەرگێن مل درێژ و رەنگێ تاری ل دەمێ سەرەدانا وان جهێن پێشیک
تێدا بەلاڤبووی، تا دیار بیت. هەروەسا بکارئینانا کرێما تایبەت ب دویرئێخستنا مێری
و پێشیکان ژ لەشێ مرۆڤی.