PM:08:05:20/04/2025
184 جار خوێندراوەتەوە
+
-
ئاسایشا هەولێرێ راگەهاند، تۆهمەتبارەکی کو زێرێ سەختە د بازارێن
هەولێرێ دا ساغ کربوو، ژلایێ هێزێن وان ڤە هاتە دەستەسەرکرن.
ئەڤرۆ ئێکشەمبی،
رێڤەبەریا ئاسایشا پارێزگەها هەولێرێ راگەهاندنەک بەلاڤکر و تێدا هاتیە، پشتی کو
ژلایێ چەند بریکارێن (زێرنگریان) ل باژێرێ هەولێرێ هاتینە هایدارکرن کو کەسەکی ل چەند
دوکانێن زێرنگریێ رابوویە ب فرۆتن و ساغکرنا چەند پارچەیەکێن زێرێ ساختە.
ئاماژە ب وێیەکێ ژیکر، پشتی ئەنجامدانا لدویڤچوونان ژلایێ هێزێن وان ڤە،
ناسنامە و جهێ تۆهمەتباری دەستنیشانکری، کو خەلکێ سوریایە، دیڤدا ب فەرمانا
دادوەرێ ڤەکۆلینێ یێ ئاسایشا هەولێرێ ئەو تۆهمەتبارە هاتە دەستەسەرکرن.
ئاسایشا هەولێرێ بەحسا وێیەکێ ژیکر، داخاز دکەن هەر کەسەکێ سکالایا
یاسایی لسەر هەبیت، سەرەدانا رێڤەبەریا وان بکەت، سوپاسیا وەلاتیان دکەن کو هەردەم
هەڤکارێن وانن بۆ پێدانا زانیاریان.