PM:05:24:19/04/2025
6104 جار خوێندراوەتەوە
+
-
دەربارێ دەنگۆیێ بێهنڤەدانا قوتابخانەیان وەزارەتا پەروەردەیا هەرێمێ
راگەهاند، ئەو بێهنڤەدانە بتنێ بۆ خاندنا سریانی یە.
ئەڤرۆ شەمبی، سامان
سیوەیلی، پەیڤدارێ وەزارەتا پەروەردەیا حکومەتا رێڤەبرنا کاران ب میدیایا پارتی
راگەهاند، رۆژا ئێکشەمبی ٢٠ـی ڤێ هەیڤێ ل قوتابجانەیان دەوام ئاسایی دبیت و
بێهنڤەدان نینە.
ئاماژە ب وێیەکێ ژیکر، ئەو بێهنڤەدانا هاتیە راگەهاندن بۆ هەمی خاندەکارێن
خاندنا سریانی یە و ئەوێن تاقیکرن ژی هەین، تاقیکرنان ناکەن، پشتی بێهنڤەدانێ دێ
تاقیکرنان کەنە ڤە.
فەرمانگەها میدیا و زانیاریێن هەرێما کوردستانێ، بەلاڤکریە، رۆژا
ئێکشەمبی و دووشەمبی و سێشەمبی، ٢٠ و ٢١ و ٢٢ـی نیسانێ، ب هەلکەفتنا جەژنا (قیامە)ـیا
حەزرەتێ مەسیح (سلاڤێن خودێ لسەر بن)، بتنێ بۆ پێکهاتەیا مەسیحیان ل هەمی سازیێن هەرێما
کوردستانێ بێهنڤەدانا فەرمی دبیت.