AM:11:50:22/03/2025
872 جار خوێندراوەتەوە
+
-
پۆلیسێن کەنەدا
ڕاگەهاند، تەرمێ شیلان شابازیانى ئەو ئافرەتا زێدەتری دوو
هەیڤ بوون ل کەنەدا بێ سەروجهـ هاتە دیتن و چ شوینوارێن کوشتنێ لسەر لەشی وێ دیار
نینە.
ئەڤرۆ شەمبی، پۆلیسین کەنەدا ڕاگەهاند، پشتی زێدەتری دوو هەیڤان ل بێ
سەروجهـ بوونێ، تەرمێ شیلان شابازیانى
یا کورد کو ئاکنجیا باژێرێ ویندەسور بوو ل کەنەدا هاتە دیتن.
ئاماژە ب وێ یەکێ ژی کر، لدویف ڤەکۆلینان چ شوینوارێن کوشتنێ لسەر
لەشی وێ دیار نینە و گومان ناکەن هاتبیتە ئێشاندن.
هەڤدەم، دەربارەی جهێ دیتن و رادەستکرنا تەرمێ شیلانێ بۆ کەسوکارێن وێ
ل ئیرانێ پۆلیسێن کەنەدا چ زەلالکرن نەدان.
ئەڤە د دەمەکی دایە، شیلان شابازیانى ئەو کچا کوردا رۆژهەلاتێ کوردستانێ
و ئاکنجیا کەنەدا داوی جار ل رۆژا 4ـێ کانوونا ئێکێ یا ئەڤسالە ل جاددەیەکا گشتیا
کەنەدا هاتە دیتن و پشترا بێ سەروجهـ بوو، بێ سەروجهـ بوونا شیلانێ ژی گەلەک کارڤەدان
لدویف خۆ ئینان.
