PM:04:35:21/03/2025
5940 جار خوێندراوەتەوە
+
-
ئاژانسەکا عێراقێ
بەلاڤکریە، وەزارەتا داراییا عێراقێ دڤێت ناڤەڕاستا حەفتییا بهێت مووچەیێ هەیڤا سێ
یێ مووچەخۆرێن هەرێمێ خەرج بکەت، ب مەرجەکی چ ئاریشە د لیستا مووچەی دا نەبن.
ئەڤڕۆ ئەینی ٢١ـێ ئادارێ، ئاژانسا بەغداد یەوم
راگەهاند، فەرمانبەرێن ژمێریاریێ ل وەزارەتا داراییا عێراقێ زێدەباری هەبوونا بێهنڤەدانا
فەرمی بەردەوامن ژ هویربینییا لیستا مووچەیێ هەیڤا سێ یا مووچەخۆرێن هەرێمێ.
ئاماژە ب وێیەکێ
ژیکر، دهێتە چاڤەرێکرن وەزارەتا داراییا عێراقێ تا دویماهیا دووشەمبییا بهێت
هویربینییا لیستا مووچەیێ هەیڤا سێ تەمام بکەت و بڕیارا خەرجکرنا پارەی بدەت.
ئەو یەکژی
بەرچاڤکر، ئەگەر چ ئاریشە د لیستا مووچەیێ مووچەخۆرێن هەرێمێ دا دروست نەبن، ئەڤە
وەزارەتا داراییا عێراقێ پشتی خەرجکرنا مووچەیێ مووچەخۆرێن خۆ، ڕاستەوخۆ دێ پارەی بۆ
مووچەخۆرێن هەرێمێ ڕەوانەکەت.
ئەڤە دەمەکی
دایە، پشتی نێزیکی ١٠ رۆژان ژ گیروبوونێ وەزارتا داراییا حکومەتا رێڤەبرنا کارێن
هەرێمێ لیستا مووچەیێ هەیڤا سێ ڕەوانەی بەغدا کر و وەزارەتا داراییا عێراقێ ژی
هویربینی د لیستێ دا دەستپێکریە.