AM:11:20:19/03/2025
716 جار خوێندراوەتەوە
+
-
سێ ئێکەمێن زانکۆ و پەیمانگەهێن هەرێمێ ڤیا ل هەمبەر جڤاتا وەزیرێن هەرێمێ
خڕڤەبوونەکا نەڕازیبوونێ ئەنجام بدەن و داخازا دامەزراندنێ بکەن، لێ ژلایێ هێزەکا
زۆرا ئەولەهیێ رێگیری ژ وان هاتە کرن.
ئەڤڕۆ چارشەمبی ١٩ـێ ئادارێ، سێ ئێکەمێن زانکۆ و پەیمانگەهان ب مەرەما
داخازکرنا مافێن خۆ بەرەڤ جڤاتا وەزیرێن هەرێمێ چوون،
لێ هێزەکا زۆرا ئەولەهیێ رێگیری ژ وان کر بگەهنە بەردەرگەهێ جڤاتا وەزیران.
بەشەکا سێ ئێکەمێن زانکۆ و پەیمانگەهان بۆ ئێن ئاڕ تی راگەهاند، هەر چەندە
ئەڤڕۆ کۆمبوونا جڤاتا وەزیران بڕیڤەدچیت، لێ سەرۆکێ حکومەتا رێڤەبرنا کاران و
جێگرێ وی بەرهەڤ نینە بۆ چەند خولەکان ژی گوهـ بۆ داخازیێن مە بگرن.
ئاماژ ب وێیەکێ ژیکر، ئەگەر نوکە هێزێن ئەولەهیێ بزانن ئەم ل نێزیک پارکا
سامی عەبدولرەحمان خڕڤەبووینە، دێ هێن مە بەلاڤکەن و تەنانەت ناهێلن ل ڤێرە ژی
داخازا مافێن خۆ بکەین.
ئەو یەکژی بەرچاڤکر، تا نوکە وەزیرێ خاندنا بلند نزانیت سێ ئێکەمێن وەرزێ خاندنا ٢٠١٧ - ٢٠١٨ نەهاتینە دامەزراندن.
ئەڤە دەمەکی دایە، ل سالا ٢٠١٧ێ ڤە تا نوکە ٤٣ جاران سێ ئێکەمێن زانکۆ و
پەیمانگەهان ل هەمبەر پەرلەمانێ کوردستانێ و جڤاتا وەزیرێن هەرێمێ بۆ داخازکرنا مافێن
خۆ خڕڤەبووینە.
ل هەرێما کوردستانێ زێدەتری ١٠ هزار دەرچوویێن سێ ئێکەمێن زانکۆ و
پەیمانگەهان یێن دانەمزراندنی هەنە، کو ل سالا ٢٠١٧ ڤە تا نوکە ب هێجەتا قەیرانا
دارایی نەهاتینە دامەزراندن، دەمەکی دا لدیف یاسایێ پشتی تەمام بوونا وەرزێ خاندنێ
دڤێت سێ ئێکەم بهێنە دامەزراندن.
هەروەسا، نێزیکی نەهـ هەیڤانە ب مەرەما دامەزراندنێ سێ ئێکەمێن زانکۆ و پەیمانگەهان
بایۆمەتری ئەنجام دایە.