AM:10:45:19/03/2025
940 جار خوێندراوەتەوە
+
-
سەقاناسیا هەرێمێ پێشبینیێن سەقایێ ئەڤڕۆ و سوبەهی بەلاڤکر و راگەهاند،
باران دێ باریت و پلەیێن گەرمێ تا پێنج پلەیان دێ نزم بن.
ئەڤڕۆ چارشەمبی ١٩ـێ ئادارێ، رێڤەبەریا سەقاناسیا هەرێمێ راگەهاند، ئەڤڕۆ
ئەسمان عەور و نیڤ عەور دبیت، ژ ئەنجامێ کارتێکرنا درێژبوونا نزمە پالە پەستۆیەکێ
بۆ سەر دەڤەرێ ئەگەرێ باران بارینێ و بریسییان هەیە.
هەڤدەم، ل پرانیا دەڤەرێن چیایێن بلند و قەزا و ناحیێن دکەڤنە چیایێن بلند
باران دێ باریت ل دەمێن جودا، هەروەسا ل سەنتەرێ پارێزگەهان ئەگەرێ باران بارینێ ب
ئاوایێ دلۆپ دلۆپ هەیە، لێ ل سنوورێ پارێزگەها دهۆکێ و دەڤەرێن چیایی ئاستێ باران بارینێ دێ مام ناڤەند
بیت و ئەگەرێ بارینا تاڤیێن بهێز یێن باران هەیە.
ئاماژە ب وێیەکێ ژیکر، پلەیێن گەرمی ئێک بۆ سێ پلەیان دێ نزم بن و لەزاتییا
بای بۆ سەردای ٣٥ کیلۆمەتران د ئێک دەمژمێرێ دا دێ زێدەبیت.
دەربارێ سەقایێ سوبەهی راگەهاند، ئەسمان ب تەمامی دێ نیڤ عەور بیت و ئەگەرێ
باران بارینەکا هویر ب ئاوایێ پچڕ پچڕ ل دەڤەرێن چیایێن سنووری و بەشەکا دەڤەرێن
چیایێن بلند هەیە، هەروەسا ل پارێزگەها دهۆکێ و دەڤەرێن چیایی ئاستێ باران بارینێ
دێ مام ناڤەند بیت.
ئەو یەکژی بەرچاڤکر، سوبەهی پێنجشەمبی پلەیێن گەرمێ سێ بۆ پێنج پلەیان دێ
نزم بن.