PM:10:43:06/11/2024
1664 جار خوێندراوەتەوە
+
-
پەیڤدارێ حکومەتا رێڤەبرنا کاران راگەهاند، چاڤەرێنە ل چەند رۆژێن بهێت
پارەیێ مووچەیێ مەها ١٠ ل بەغدا بهێتە هنارتن، گوت ژی، مووچەیێن سێ مەهێن داویا
ئەڤسالە ب هەدەر ناچن.
پێشەوا هەورامانی پەیڤدارێ
حکومەتا رێڤەبرنا کاران د کۆنفرانسەکا رۆژنامەڤانی دا راگەهاند، تیمەکا وەزارەتا
دارایی ل بەغدا نە بۆ چارەسەریا ئاریشەیا مووچەی و چاڤەرێ نە ل چەند رۆژێن بهێت دا
پارەیێ مووچەیێ مەها ١٠ یێ هەرێمێ ل بەغدا بهێتە هنارتن.
ئاماژە ب وێیەکێ ژیکر، ئەو تیما وەزارەتا دارایی لسەر تێبینیێن وەزارەتا
داراییا عێراقێ گۆتۆبێژان دکەن و د بزاڤێن رێکەفتنێ دانە بۆ گەهشتنا چارەسەریێ.
ئەو یەکژی بەرچاڤکر، زێدەباری ئاریشەیان، لێ مووچەیێن سێ مەهێن داویا
ئەڤسالە ب هەدەر ناچن.
ئەڤە ژی پشتی وێیەکێ دهێت، ژ ناڤەراستا مەها ١١ نێزیک دبین و ب سەدەمێ
نە هنارتنا لیستا مووچەی د دەمێ خۆدا بۆ بەغدا و ل بەرچاڤ نەگرتنا تێبینیێن
وەزارەتا داراییا عێراقێ دەربارێ لیستا مووچەی تا نها مووچەیێ مەها ١٠ یێ
مووچەخۆرێن هەرێمێ نەهاتیە دابەشکرن.