PM:07:19:05/11/2024
532 جار خوێندراوەتەوە
+
-
وەزارەتا کۆچ و کۆچبەرێن
عێراقێ ڕاگەهاند، نێزیکی ٤٠٠ ئاوارەیێن دی ل کەمپێن دهۆکێ ڤەگەریانە شنگالێ.
ئەڤرۆ سێشەمبی، وەزارەتا کۆچ و کۆچبەرێن عێراقێ د
ڕاگەهاندنەکێ دا بەلاڤکر، ب سەدەمێ بەردەوامیا پرۆسەیا ڤەگەریانا ئاوارەیان، ئەڤرۆ
٣٦٧ ئاوارەیێن دی ل کەمپا مام رەشان ل پارێزگەها دهۆکێ ڤەگەریانا وارێن خۆ ل
شنگالێ.
ئاماژە ب وێیەکێ ژیکر، ژلایێ
تیمێن وێ وەزارەتێ ڤە، هەڤکاریا دارایی و کەلوپەلێن ل هەوارهاتنێ و ناڤ مالێ بسەر
وان ئاوارەیان دا هاتنە دابەشکرن.
ئەڤە ژی د دەمەکێدایە،
حکومەتا عێراقێ بەردەوام ئاسانکاریان بۆ ڤەگەریانا ئاوارەیێن ئاکنجیبوویێن کەمپان
دکەت بتایبەتی کەمپێن هەرێما کوردستانێ، ئەڤە ژی ب ئارمانجا داوی ئینان ب دۆسەیا
ئاوارەبوونێ.