سەرنووچە:

سەدر: رێکێ نادەین چ وەلاتەک دەستێوەردانا ئەنجامێن هەلبژارتنان بکەت

PM:06:37:24/10/2021

712 جار خوێندراوەتەوە

+ -

رێبەرێ رەوتا سەدر ڕاگەهاند، رێکێ ب چ وەلاتان نادەین دەستێوەردانێ د ئەنجامێن هەرلبژارتنێن عێراقێ دا بکەت.

موقتەدا سەدر رێبەرێ رەوتا سەدر د ڕاگەهاندنەکێ دا دبێژیت، "هەر وەلاتەکێ جیران دەستێوەردان نەکری ل کاروبارێن ناڤخۆیێن عێراقێ، بزاڤێن باشترکرنا پەیوەندیان دگەل واندا ددەین و دێ کار ژی کەین لسەر دیتنا پرۆژەیێن هەڤپشک د بوارێن ئەولەکاری، ئابوری رەوشەنبیری، ساخلەمی، پێشەسازی، و لێکگۆهارتنا شارەزایێ د تەڤایا بواراندا، رۆلێ دیپلۆماتی و هەڤپشک دێ بهێزکەین و عێراق ژی ب چ رەنگەکی دەست ل کاروبارێن وان وەرنادەت".

ئەوژی هاتیە، "ئەو وەلاتێن کو دەستێوەردانێن وان د زەلالن ل کاروبارێن سیاسی و ئەولەکاریێن عێراقێ، ب گۆتبێژێن لسەر ئاستێ بلند سەرەدەریێ دگەل دکەین ب ئارمانجا راگرتنا دەستێوەردانێن وان، ئەگەر بەرسڤ هەبوو ئەڤە دێ پێشوازیێ لێ کەین، ئەگەر نە دێ ب پەنا بەین بۆ رێیێن دیپلۆماتی و ناڤدەولەتی، بزاڤێن راگرتنا وانا کەین".

ڕاگەهاند ژی، "عێراق دەستێوەردانا کاروبارێن چ وەلاتێن جیران ناکەت و رێکێ ژی ب چ وەلاتان نادەت دەستێوەردانێ د ئەنجامێن هەلبژراتنێن عێراقێ دا بکەت، ژبەرکو ئەوا هەیا نها دەربارەی ئەنجامێن دەستپێکییێن هەلبژارتنێن عێراقێ روویددەت، ململانێیێن دیموکراتینە و مە پێتڤی ب دەستێوەردانێن هەرێمێ نینە".

موقتەدا سەدر ئاماژە ب وێیەکێ ژی کر، "هەمی بزاڤان ب دەستپێکەک بۆ ئاشتیێ ل دەڤەرێ ل قەلەم ددەین و عێراق ژی بزاڤان بۆ پێشڤەبرنا پەیوەندیان د گەل واندا، دئێخیتە پێش و لسەر بنەمایێن بەرژەوندیێن تائیفی یان کەسی ژی سەرەدەریێ دگەلدا ناکەین".

رۆژا ١٠ی مەهێ هەلبژارتنێن پەرلەمانێ عێراقێ بڕێڤەچوون و رەوتا سەدر کاری ٧٣ کورسیان بدەستخۆڤە بینیت و ببیتە خۆدانا پترین کورسیان د پەرلەمانێ عێراقێ دا.

گەلەری