سەرنووچە:

ڤاکسینا کۆرۆنایێ بۆ ڤان کەسان دبیتە نەچاری

AM:11:07:24/10/2021

1144 جار خوێندراوەتەوە

+ -

وەزیرێ ساخلەمیا هەرێما کوردستانێ ڕاگەهاند، ڕێژا ژیان ژدەستدانێ بڤایرۆسێ کۆرۆنایێ ١٩%  بلند بوویە گۆتژی، ڤاکسینا کۆرۆنایێ بۆ مامۆستایا و فەرمانبەرا و ئەوکەسێن ل جهێن گرتی کاردکەن دبیتە نەچاری.

ئەڤرۆ ئێکشەمبی، سامان بەرزنجی  وەزیرێ ساخلەمیا هەرێمێ  بۆ میدیا پارتی گۆت، ڕێژا تووشبوون بڤایرۆسا کۆرۆنایێ بۆ ١٩% بلند بوویە و داخازێ ژهەمی وەلاتیان دەکەن ڤاکسینا  کۆرۆنایێ وەربگرن.

وەزیرێ ساخلەمیا حکومەتا هەرێمێ ئاماژە بوێیەکێ ژی کریە، ڤاکسینا کۆرۆنایێ بۆمامۆستا و فەرمانبەرا و ئەوکەسێن د جھێن گرتیدا کاردکەن، دبیتە نەچاری، هەڤدەم، "رەتکر دەرگەهێن خاندنگەها بھێنە گرتن".

هەیانها ل هەرێما کوردستانێ ٣٥٥ هزار و ٥٤١ کەس بووینە هەلگرێن ڤایرۆسا کۆرۆنایێ، شەش هزار و ٢٥٦ کەسان ژی ژبەر ڤایرۆسێ کۆرۆنایێ ژیانا خۆ ژدەستدایە و ٣٣٣ هزار و ٢٥٧ کەس ژی، ژڤایرۆسێ خلاس بووینە.

سامان بەرزنجی بەحسا وێیەکێژی کریە، پێتڤیە هە می وەلاتیێن کوردستانێ دەسپێشخەریێ بکەن و ڤاکسینا کۆرۆنایێ وەربگرن، دبێژیت ژی، "ئەوێن دسەر ١٨ سالیێدا، لەزێ بکەن بۆ وەرگرتنا ڤاکسینێ".

ڤایرۆسێ کۆرۆنا (KOVID 19)، ل داویێن سالا ٢٠١٩ دا ل باژێرێ وهانا چینێ بەلاڤبوو و پشتی دەمەکێ کێم  زۆربەیا وەلاتێن جیهانێ ئەو ڤایرۆس ڤەگرت و هەیا نهاژی بەردەوامە، نزیکێ ٢٤٤ ملیۆن و١٣٩ هزار کەس توشی ڤایرۆسێ کۆرۆنایێ بووینە، چار ملیۆن و ٩٥٩ هزار و٦٨٠ هزرار  کەس ژی ژبەر ڤایرۆسێ ژیانا خۆ ژ دەستدایە.

نـ - غـ

گەلەری