ئێک ژ دانێن گرنگ سپێدەیە کو مفایەکێ زۆر بۆ جەستە و مێشکی هەیە و دێ تە ژ نەخۆشیێن جودا پارێزیت، لێ بەشەک ژ خەلکی بێ کو بزانن گرنگیا ڤێ دانی چەندە پشت گوهڤە دهاڤێژن.

لدیڤ نویترین ڤەکۆلینا زانستی یا سەنتەرێ شەکرە یا ئەلمانی ئاشکەراکریە، پشتگوهـ هاڤێتنا خارنا دانێ سپێدەهیان مەترسیا توشبوون بنەخۆشیا شەکرێ کو نەخۆشیەکا درێژخایەنە زێدەتر دکەت.

ڤەکۆلین لسەر شیکاریا ١٠٠ هزار کەسان کریە، ئەوێن کو دانێ سپێدەهیان ناخوون مەترسیا توشبوونا وان ب نەخۆشیا شەکرێ ژ جۆرێ دوو زێدە تر بوویە بڕێژا ٣٣%ێ.

ئەوێن کو دحەفتیێ دا چار ڕۆژان خارنا دانێ سپێدێ خاری مەترسیا تووشبونا وان بنەخۆشیا درێژخایەن ب ڕێژا ژ ٥٥%ێ کێمکریە هەڤبەر ب وان کەسێن کو دانێ سپێدێ خارن نەخاری.

پسپۆر ئەگەرێن پشتگوھـ هاڤێتنا دانێ سپێدەهیان بۆ وێ چەندێ د زڤرینن، زۆر کەس ل جهێ دانێ سپێدەهیان ل نیڤرۆ خارنەکا بلەز دخوون، ڤێ چەندێ ژی زەرەرا ساخلەمیێ لێ پەیدا دبیت وجهێ دانێ سپێدەهیان ناگریت.