PM:08:43:01/06/2023
3780 جار خوێندراوەتەوە
+
-
شێورمەندێ دارایێ سەرۆک وەزیرێن عێراقێ ڕاگەهاند،
زێدەبوونا خاستێ لسەر دۆلارێ کاش و هەوار برنا وەلاتیان بۆ بازارێ دراڤێن نەفەرمی
گڤاشتن لسەر بنەجهکرنا بهایێ دۆلاری دروستکریە، ژبەر وێ چەندێ ب بەردەوامی بلند
دبیت.
مەزهەر محەمەد سالح شێورمەندێ دارایێ محەمەد شیاع سودانی
سەرۆک وەزیرێن عێراقێ بۆ میدیایێن ناڤخۆ ڕاگەهاند، سیاسەتا حەوالەیا دەرەکی ل
داویا مەها تشرینا ئێکەما سالا دەربازبووی بەرنامەیێ هوویربینیا نووی تێدا هاتیە
بنەجهکرن ژ لایێ هەڤبەندیا داراییا ناڤدەولەتی.
ئاماژە ب وێیەکێ ژی کر، ئەڤە ئێکەمین جارە رێکارێن
حەوالەیا دەرەکیا عێراقێ دهێنە گرێدان ب سەکۆیەکا هوویربینیێ ڤە کو چاڤدێریا ئاستێ
پێگیربوونێ دکەت د بازارکرنا یاسایی و شەرعیا دۆلارێ هاتیە حەوالەکرن.
ئەویەک ژی بەرچاڤکر، بەنکا ناڤەندیا عێراقێ سێ باکێجێن
گرنگ بۆ ب ساناهی پەیداکرنا دۆلاری د سەکۆیا بازارکرنا ناڤدەولەتی دا بەرچاڤکرینە،
ئەڤە ژی چوویە رێزا بەرنامەیێ سیاسیا دارایی و بازرگانیێ.
ئەڤە د دەمەکی دایە، د چەند مەهێن دەربازبووی دا ژبەر وێ
چەندێ کو وەزارەتا گەنجینەیا ئەمریکا چەند بەنکێن عێراقێ ب تۆهمەتا سپیکرنا پارەی
بلۆک کرن و بەنکا ناڤەندیا عێراقێ سەکۆیەکا ئەلیکترۆنی بۆ فرۆتنا دۆلاری دروستکر
هەیا بازرگان و وەلاتی ب رێکا وێ سەکۆیێ دۆلاری ب دەستڤە بئینن و کۆژمێ ئێخستنە
بازارا دۆلاری کێمکر، بهایێ دۆلاری ب ئاوایەکێ بەرچاڤ بلندبوو ب ئاوایەکی بهایێ
١٠٠ دۆلاران ١٧٠ هزار دەربازکرن.