AM:08:39:01/06/2023
1088 جار خوێندراوەتەوە
+
-
لگورەی داتایێن بازارێ جیهانیێ پەترۆلێ بهایێ هەر
بەرمیلەکا پەترۆلا خاڤا برێنت ب ٧٢ دۆلار و ٩٩ سەنتان بازار پێ دهێتەکرن بڤێ ژی هەڤبەر
ب دوهی بهایێ وێ زێدەتری دۆلارەکی هاتیەخار.
هەڤدەم، بهایێ بەرمیلەکا پەتڕۆلا خاڤا ئەمریکی
ژی ب ٦٨ دۆلار و ٣٩ سەنتان بازار پێ دهێتەکرن.
گوهرینێن بهایێ پەتڕۆلێ د دەمەکێ دانە، هەر ئێک
ژ عێراق و روسیا و سعودیە و ئیمارات و جەزائیر و کوەیت و عومان ڕاگەهاندینە، ب
ئاوایەکێ خۆ ویستانە و ب ئارمانجا ئارامیا بهایێ پەتڕۆلێ د بازارێن جیهانێ دا و ڕاگرتنا
هەڤسەنگیێ دناڤبەرا خواست و خستنەڕوویێ دا بەرهەمئینانا رۆژانەیا پەتڕۆلێ کێم دکەن.
پشتی بڕیارا ئۆپیک ژی بەنکا گولدمان ساکس پێشنبینیکریە،
بهایێ ئێک بەڕمیلا پەتڕۆلا خاڤا برێنت ل کانونا ئێکێ یا ٢٠٢٣ێ دبیتە ٩٥ دۆلار و ل
مەها کانونا ئێکێ یا سالا ٢٠٢٤ێ بۆ ١٠٠ دۆلاران بلند ببیت.
لگورەی ئاژانسا بلومێرگ، حکومەتا سعودییە بهایێ
پەترۆلێ د بودجەیێ ئەڤسالەیێ خۆدا ب ٨٠ دۆلاران هژمارکریە و ئەڤێ ژی کاریگەری دبیت
لسەر دروستکرنا گۆهڕینان د بهایێ پەترۆلێ دا لسەر ئاستێ جیهانێ.