PM:09:35:31/05/2023
1652 جار خوێندراوەتەوە
+
-
رووپەلێ "گڵۆباڵ فایەر پاوەر"ێ جیهانی
ریزبەندیا سالانەیا خۆ بۆ بهێزترین سوپایێن جیهانێ بەلاڤکر و لگور وێ ریزبەندیێ چەند
سوپایێن ولاتێن عەرەبی د پێشیا سوپایاندانە و عێراق ژی د پلەیا ٤٥ێ دایە.
ئەڤرۆ چارشەمبی، رووپەلێ"گڵۆباڵ فایەر پاوەر"
ریزبەندیا بهێزترین سوپایێن جیهانێ راگەهاند و ئاماژە ب وێ ژی کر، ریزبەندیێن وی
رووپەلی پشت ب ٦٠ سەدەمان گرێددەت بۆ ئەنجامدانا وێ پۆلینکرنێ.
هەڤدەم، ئەو ریزبەندییە نیشان ددەت، عێراق د ریزبەندیا
٤٥ێ یا ولاتێن جیهانێ دایە ژ ئالیێ بهێزیێ.
بەحسا وێ ژی کر، لگور شیانا ئێکەمین سەربازان و
شینا دارایی و شەهرەزاییا جوگرافی و شیانا لۆجستی ژ گرنگترین سەدەمێن رێکخستنا وێ ریزبەندیێ
نە.
ریزبەندیا ١٠ بهێزترین سوپایێن جیهانێ ب ڤی
ئاوایێ ل خارێ نە:
ئێک: سوپایێ ویلایەتێن هەڤگرتیێن ئەمەریکا
دوو: سوپایێ روسیا
سێ: سوپایێ چینێ
چار: سوپایێ هندستانێ
پێنج: سوپایێ بەریتانیا
شەش: سوپایێ کۆریا باشور
حەفت: سوپایێ پاکستان
هەشت: سوپایێ ژاپۆن
نەھ: سوپایێ فەڕەنسا
دەھ: سوپایێ ئیتالیا
هەر لدیڤ وێ راپۆرتا "گڵۆباڵ فایەر پاوەر"،
سوپایێ مسرێ د ریزبەندیا ١٤یێن ولاتێن جیهانێ دایە و سعودیە ژی د ریزبەندیا ٢٢یێ
دایە و جەزائیرێ ژی ریزبەندیا ٢٦ێ گرتیە.
رووپەلێ "گڵۆباڵ فایەر پاوەر" ژ سالا
٢٠٠٦ێ ڤە شلۆڤەکاریێ بۆ سوپایێن جیهانێ دکەت و سالانە لدیڤ پێڤەران ریزبەندیا بهێزترین
سوپایێن جیهانێ د یەکەیێن هشکانی و دەریایی و ئەسمانی دادنێت.