PM:09:02:30/05/2023
956 جار خوێندراوەتەوە
+
-
پەرلەمانتارەکێ نەوەی نوێ ڕاگەهاند، چ ئالی نەشێن ل
هەمبەر بڕیارا دادگەها فیدڕالی راوەستن، دبێژیت ژی، هەیا نها حەفت جاران ژیێ
پەرلەمانێ کوردستانێ هاتیە درێژکرن، لێ ڤێ جارێ نەوەی نوێ نەهێلا کارێن نەیاسایێن
پارتی و یەکێتی دەرباز ببن.
ئومێد محەمەد پەرلەمانتارێ عێراقێ ل فراکسیۆنا نەوەی نوێ
د بەرنامەیێ تاوتوێ یێ ئێن ئاڕ تی دا ڕاگەهاند، بڕیارا دادگەها فیدڕالیا عێراقێ
هەڤئاوایێ وێ هندێ یە مۆرەکا دەم بسەرڤەچووی ل پەرلەمانی و حکومەتا هەرێمێ بهێتە
دان و چ ئالی و هێزەک نەشێن ل هەمبەر بڕیارا دادگەها فیدڕالی راوەستن، ژبەرکو ئەو
سازیەکا شلۆڤەکەرا دەستوری یە.
ئەگەر حکومەت و پەرلەمانێ دەم بسەرڤەچوویێ هەرێمێ پێگری
بڕیارا دادگەها فیدڕالی نەبن و بەردەوام بیت ژ کارێن خۆ وی دەمی حکومەتێ و
کابینەیا داهاتیا پەرلەمانێ هەرێمێ ژی د دەستورێ عێراقێ دا دان پێناهێتەدانان.
پێشتر حەفت جاران ژیێ پەرلەمانێ کوردستانێ هاتیە درێژکرن
و ئۆپۆزسیۆنا وی دەمی ب تنێ ب رێکا ڕاگەهاندنێن ئاسایی هەلویستا خۆ نیشانددا، لێ
نها وەکی ڤەلڤینانەوەی نوێ ب خۆ دبێژیت، "ئۆپۆزسیۆنا راستەقینەنە" ب
بزاڤێن پەرلەمانتارێن وێ ل بەغدا و هەرێما کوردستانێ، شیا ئەو سکالایا ل دادگەها
فیدڕالی تۆمارکربوو لسەر پەرلەمانێ کوردستانێ ببەت.
هەڤدەم، لگۆرەی بڕیارا دادگەها فیدڕالی، هەمی بڕیارێن پەرلەمانێ
دەم بسەرڤەچووی دێ هێنە هەلوەشاندن و ئەو بڕیارێن پشتی ٩ێ مەها تشرینا ئێکێ یا
سالا دەربازبووی دەرچووین ڤالانە و کار پێ ناهێتە کرن.
هەروەسا ب نەدەستور ناساندنا درێژکرنا ژیێ پەرلەمانی بڕیارا
کاراکرنا کۆمسیۆنێن هەلبژارتنێن هەرێمێ دێ هێتە هەلوەشاندن، هەر ژبەرهندێ کۆمسیۆنا
بلندا هەلبژارتنێن عێراقێ بەرهەڤیا خۆ بۆ بڕێڤەبرنا هەلبژارتنێن گەرا شەشم یا پەرلەمانێ
هەرێما کوردستانێ نیشاندایە.