PM:08:30:30/05/2023
1608 جار خوێندراوەتەوە
+
-
پەیڤدارێ پارتی ئێکەم هەلویستا وێ حزبێ دەربارەی بڕیارا
دادگەها فیدڕالی بەرچاڤکر و داخاز کر هەمی ئالی بەرهەڤیان بۆ هەلبژارتنێ بکەن.
ئێڤاریا ئەڤرۆ سێشەمبیێ، پارتی دیموکراتی کوردستان د
ڕاگەهاندنەکێ دا، ئەشکراکر، لدەڤ هەمی ئالیەکی ئەشکرایە، پارتی د دەمێ یاسای و
داویا گەرا پێنجەم یا پەرلەمانێ کوردستانێ دا، هەمی بزاڤکرن بۆ بڕێڤەچوونا
هەلبژارتنێ د دەمێ خۆ یێ یاسای دا، بۆ وێ مەرەمێ ژی د جڤینان و سەرەدانا ئالیێن
پشکدار د پرۆسەیا سیاسی دا داخازا پێنگاڤێن جدی کرن بۆ بەرهەڤیێن هەلبژارتنێ
لگۆرەی "تەوقیتاتا یاسایی" دیارکری.
پارتی دیموکراتی کوردستان د وێ ڕاگەهاندنێ دا ئاماژە ب
وێیەکێ ژی کریە، داخازێ ژ هەمی لایەن و وەلاتیێن کوردستانێ دکەین و ب ئەندازەیا بەرپرسیارەتیا
خۆ، هاریکار و رێک خۆشکەر بن بۆ ئەنجامدانا هەلبژارتنەکا پاقژ و بێ گەرد.
پارتی دیمەکراتی کوردستان د وێ راگەهاندنێ دا تەکەزی
کریە ئەویا بۆ حزبا وان گرنگ پرۆسەیا ئەنجامدانا هەلبژارتنا پەرلەمانێ کوردستانێ
یە.
ئەڤە ژی د دەمەکێ دایە، ٩ی مەها تشرینا ئێکێ یا ئەڤ سالە،
ب دەنگێ ٨٠ پەرلەمانتارێن پارتی و یەکێتی و گۆران وپێکهاتان، ژیێ پەرلەمانێ
کوردستانێ بۆ دەمێ سالەکێ هاتە درێژکرن و فڕاکسیۆنا نەوەی نوێ ژ ڕاگەهاند، درێژکرنا
ژیێ پەرلەمانی نەیاسایی یە و پشتی شەشی تشرینا دووێ دەوامێ ناکەن و مووچەی ژی وەرناگرن.