PM:05:00:30/05/2023
296 جار خوێندراوەتەوە
+
-
پشتی سکالایا نەوەی نوێ و ب بڕیارا دادگەها بلندا فیدڕالیا عێراقێ،
درێژکرنا ژیێ پەرلەمانێ کوردستانێ نەدەستورییە.
ئەڤرۆ سێشەمبیێ دادگەها بلندا فیدڕالیا عێراقێ ب فەرمی
ڕاگەهاند، لدیڤ یاسایا ژمارە ئێک یا ماددەیێ ٥١ یا سالا ١٩٩٢ێ، درێژکرنا ژیێ
پەرلەمانێ کوردستانێ نەدەستوررییە.
ئاماژە ب وێێەکێ ژی کر، هەمی ئەو بڕیارێن پشتی بسەرڤە چوونا
دەمێ پەرلەمانێ کوردستانێ د وێ سازیێ دا هاتینەدان دێ هێنە هەوەشاندن و بڕیارا دادگەها
بلندا فیدڕالی ل رۆژا دەرچوونێ دێ هێتە جێبەجێکرن.
د وێ دەربارێ دا سروە عەبدولواحیدا سەرۆکا فراکسیۆنا
نەوەی نوێ ل پەرلەمانێ عێراقێ بۆ ئێن ئاڕ تی ڕاگەهاند، بزاڤێن نەوەی نوێ سەرکەفتن
بدەستڤە ئینا و درێژکرنا ژیێ پەرلەمانێ کوردستانێ هاتە رەتکرن، ژبەرکو چ سازیێن
دەستوری ماف نینە ژیێ خۆ درێژ بکەت.
ئاماژە ب وێیەکێ ژی کر، هەمی بڕیارێن پەرلەمانێ دەم
بسەرڤەچووی دێ هێنە هەلوەشاندن و ئەو بڕیارێن پشتی ٩ێ مەها تشرینا ئێکێ یا سالا دەربازبووی
دەرچووین ڤالانە و کار پێ ناهێتە کرن.
ئەویەک ژی بەرچاڤکر، دادگەها فیدڕالی ئەویەک بۆ زەلال
بوو کو ب نەدەستور ناساندنا درێژکرنا ژیێ پەرلەمانی بڕیارا کاراکرنا کۆمسیۆنێن
هەلبژارتنێن هەرێمێ دێ هێتە هەلوەشاندن، هەر ژبەرهندێ کۆمسیۆنا بلندا هەلبژارتنێن
عێراقێ بەرهەڤیا خۆ بۆ بڕێڤەبرنا هەلبژارتنێن گەرا شەشم یا پەرلەمانێ هەرێما
کوردستانێ نیشاندایە.