AM:10:36:30/05/2023
936 جار خوێندراوەتەوە
+
-
لیژنەیا دارایی ل پەرلەمانێ عێراقێ داخاز ژ پەرلەمانی
کر لەزێ بکەن ژ دیارکرنا دەمێ روینشتنا پەرلەمانی بۆ دەنگدانێ لسەر بودجەی.
ئەڤرۆ سێشەمبی، عتوان عتوانی سەرۆکێ لیژنەیا
دارایی ل پەرلەمانێ عێراقێ راگەهاند، گۆتوبێژ لسەر بودجەی کرینە و داخاز ژ پەرلەمانی
کریە د ڤێ حەفتیێ دا دەمەک بهێتە دیارکرن بۆ روینشتنا پەرلەمانی لسەر وی پڕۆژە یاسای
و دەنگ لسەر بهێتە دان.
گۆتژی، تەکەزێ ژ وێ دکەن کو ب زیترین دەم بودجەی
تێپەڕینن هەیاکو کارنامەیا حکومەتێ و پڕۆژەیێن گەشەپێدان و ئاڤاکرنا ژێرخانا
ئابووری دەستپێبکەن.
ئاماژە ب وێ ژی دا، وێ پرۆژە یاسایێ پەیوەندیەکا
گرنگ ب ژیان و ژیارا خەلکی ڤە هەیە ب تایبەت کەرتێ ساخلەمیێ و ئاکنجیبوون و خزمەتگوزاریان.
داخازژی ژ ئالیێن سیاسی کر، هەلویست هەبیت و
کاربکەن تا وی پڕۆژە یاسای تێپەرینن.
ئەڤە د دەمەکێدایە، رۆژا پێنجشەمبی، ٢٥ێ ئەیارێ
لیژنەیا دارایی دەنگ لسەر داوی بڕگەیێن پڕۆژەیاسایا بودجەیێ سالا ٢٠٢٣ێ یێ عێراقێ دا
و راگەهاند، پڕۆژەیاسا بەرهەڤە و دشیننە پەرلەمانی و هەڤدەم، محەمەد حەلبوسی سەرۆکێ
پەرلەمانێ عێراقێ هەمان رۆژ راگەهاند، رۆژا شەمبی جڤینا پەرلەمانی لسەر پڕۆژەیاسایا
بودجەیە، لێ بۆ دەمەکێ نەدیار هاتیە پاشخستن.