PM:07:46:29/05/2023
1320 جار خوێندراوەتەوە
+
-
سەرۆکێ
فراکسیۆنا نەوەی نوێ ل گەرا پێنجێ یا پەرلەمانێ کوردستانێ دگەل شێورمەندێ
کاروبارێن سیاسیێ یۆنامی ل هەرێمێ جڤیا و ڕاگەهاند، د وێ جڤینێ دا بەحسا وێیەکێ
هاتیە کرن، ڤەگەڕاندنا پاشەکەفتێ مووچەی ئەرکێ سەرکی یێ حکومەتا هەرێمێ یە.
کاوە عەبدولقادر سەرۆکێ فراکسیۆنا
نەوەی نوێ ل گەرا پێنجێ یا پەرلەمانێ کوردستانێ ڕاگەهاند، ئەڤرۆ دووشەمبیێ، ل
باژێرێ هەولێرێ دگەل لینارت نیکۆلی شێورمەندێ کاروبارێن سیاسیێ یۆنامی ل هەرێما
کوردستانێ جڤیا.
ئەویەک ژی
بەرچاڤکر، د وێ جڤینێ دا بەحسا هەلبژارتنێن پەرلەمانێ کوردستانێ و پشکا هەرێمێ د
بودجەیا عێراقێ دا و چەوانیا دیارکرن و ڤەگەڕاندنا پاشەکەفتێ مووچەخۆران و رەوشا
وەلاتیان ب گشتی کریە.
دبێژیت ژی،
"مە وەکی ڤەلڤینا نەوەی نوێ ڕاگەهاند، پێتڤیە هەلبژارتن ل دەمێ دیارکریێ خۆ
بهێتە ئەنجامدان و ب سەرپەرشتی و چاڤدێریا نەتەوەیێن هەڤگرتی و نوینەرێ جڤاکا
نیڤدەولەتی بیت".
ل مەها تشرینا
دوویێ یا سالا دەربازبووی ژیێ پەرلەمانێ کوردستانێ بسەرڤەچوو و دڤیا بەری وی دەمی
هەلبژارتن هاتبووا ئەنجامدان.
ئەڤە د دەمەکی
دایە، ل ٩ێ ١٠ێ ٢٠٢٢ێ، ب دەنگێ ٨٠ پەرلەمانتاران ژیێ پەرلەمانێ کوردستانێ بۆ
وەرزەکێ دی یێ یاسادانانێ هاتە درێژکرن و سەرۆکێ پەرلەمانێ کوردستانێ ل گەرا پێنجێ
یا پەرلەمانی ڕاگەهاند، درێژکرنا ژیێ پەرلەمانی نەیاسایە.