PM:06:39:28/05/2023
576 جار خوێندراوەتەوە
+
-
لگۆرەی ئەنجامێن دەستپێکی ژ کۆما ٩٧.٧٣٪ێ یا دەنگێن
جوداکری کەمال کلیچدار ئۆغلۆ بەربژێرێ هەڤپەیمانیا میللەت ٤٧,٨٩٪ێ یا دەنگان بدەست ڤە ئیناینە و رەجەب تەیب
ئەردۆغان بەربژێرێ هەڤپەیمانیا کۆمار ٥٢,١١٪ێ یا دەنگان بدەستڤە ئیناینە.
ژمارەیا دەنگێن رەجەب تەیب ئەردۆغان ٢٦.٧ ملیۆن
دەنگن و کەمال کلیچدارئۆغلوژی ٢٤.٥ملیۆن
دەنگ ئیناینە.
هەڤڕکیا ڤێ خولا پۆستێ سەرۆک کۆمارێ تورکیا دناڤبەرا
ڕەجەب تەیب ئەردۆغان بەربژێرێ هەڤپەیمانیا کۆماری و کەمال کڵیچدارئۆغلو بەربژێرێ هەڤپەیمانیا
میللەتدا بوو.
د خولا ئێکێ یا هەلبژارتناندا رەجەب تەیب ئەردۆغان
٤٩.٥٢٪ێ یا دەنگان بدەستڤە ئینان و کەمال کلیچدارئۆغلو ٤٤.٨٨٪ێ دەنگان بدەستڤە ئینان.
لدیڤ یاسایا دەستەیا بلندا هەلبژارتنێن تورکیا
لسەر ئێک ژ بەربژێرێن سەرۆکاتیا کۆماری پێتڤیە ٥٠+١٪یا دەنگان بدەستڤەبینن بۆ کو وەکی
سەرکەفتی بهێتە هژمار کرن.
ل دەما پێشتردا، سینان ئۆغان بەربژێرێ هەڤپەیمانیا
ئاتا بۆ خولا ئێکێ یا سەرۆک کۆماری؛ دەنگێن هەڤپەیمانیا خۆ ئێخستنە دگەل
هەڤپەیمانیا کۆمار و پشتەڤانیا خۆ بۆ ئەردۆغانی
راگەهاند.
ئەڤرۆ خولا دوویێ یا هەلبژارتنا سەرۆکاتیا کۆماریا
تورکیا بڕێڤەچوو، ئەڤەژی پشتی وێ کو د خولا ئێکێ دا و ل ١٤ێ ئەیارێ چ ژ بەربژێران نەشیان
دەنگێن پێتڤی بدەستڤەبینن. کو ئەڤەژی دبیتە ئێکەم هەلبژارتن د دیرۆکا دروستبوونا کۆمارا
تورکیادا بۆ ئێکئالیکرنا هەلبژارتنا سەرۆکێ ولاتی، هەوار بۆ خولا دوویێ یا هەلبژارتنێ
بهێتەبرن.