PM:06:07:27/05/2023
3548 جار خوێندراوەتەوە
+
-
ل دەمێ داخستنا بازارێ دراڤان ل هەرێمێ بهایێ
١٠٠ دۆلاران ب ١٤٦ هزار و ٦٥٠ دیناران بازار پێ هاتەکرن، هەڤبەر ب دەستپێکا ڤەکرنا
بازاری، بهایێ وێ ١٥٠ دیناران داکەتیە.
ئەڤرۆ شەمبی، ل دەمێ داخستنا بازارێن دراڤان
بهایێ ١٠٠ دۆلاران ب ١٤٦ هزار و ٦٥٠ دیناران بازار پێ هاتەکرن، د دەمەکێدا ل دەمێ ڤەکرنا
بازاری بهایێ وێ ١٤٦ هزار و ٨٠٠ دیناران
بوو.
ئەژی محەمەد، شارەزایێ بیاڤی بازارێ ئابووری بۆ
دجیتال میدیایا ئێن ئاڕ تی ڕاگەهاند، دوو ئەگەران نها بهایێ دۆلاری ڕاگرتیە، ئێک،
پەنابرنا وەلاتیان بۆ کارتێن بەنکی. دوو، بکارئینان بۆ گەشتکرن و خەرجکرنا وی ل دەرڤەی
وەلاتی.
گوتژی، "وێ ڤەلڤینێ رێژەیا دۆلاری د بازارێن
ناڤخۆ دا کێم کریە".
بەحسا وێیەکێ ژیکر، ئەگەرێ دوویێ بزاڤێن کۆمەکا
بازرگانایە کو د هەیاما دەربازبوویدا دۆلار ب وی بهایێ بلندکڕیە و نها دخوازن زیانێ
کێم بکەن ژبەر هندێ لڤینا بازاری و مامەلە ب دۆلاری بۆ هەیامەکێ ڕاگرتیە هەتا کو
بهایێ وێ دووبارە بلند دبیت پشتڕە بفرۆشن.