AM:10:29:15/05/2023
412 جار خوێندراوەتەوە
+
-
پشتی ٣٠ رۆژێن بەرهنگاربوونا
چەکدارییا دناڤبەرا سوپایێ سودان و هێزا پشتەڤانیا بلەزا وی ولاتی دا، فەرماندەیێ
گشتیێ هێزێن پشتەڤانیا بلەز دەنگۆیێ کوشتنا خۆ رەتدکەت. لدیڤ ئاماران ژی هەیا نها
نێزیکی ٧٠٠ کەسان ژیانا خۆ ژ دەستدانە.
محەمەد حەمدان دەقلو فەرماندەیێ
گشتیێ هێزێن پشتەڤانیا بلەزا سودان کو دگەل سوپایێ ولاتێ وان د شەڕی دایە د پەیامەکا
ڤیدیۆییدا راگەهاند، "کودەتاچی کار لسەر دەنگۆیێ نەڕاست دکەن و بەلاڤدکەن و مەرەما
وان تێکدانا سودانێ یە".
ئەو یەک ژی بەرچاڤکریە،
ئەو دەنگە دەنگێن بەحسا کوشتنا وی دکەن دوویرن ژ راستیێ و ساخلەمیا وی باشە و کار
لسەر جێبەجێکرنا پلانێن سەربازیێن خۆ دکەت.
هەڤدەم، عەبدول فەتاح
ئەلبورهان سەرۆکێ سوپایێ سودان کو سەرۆکێ وی ولاتیە ژی بڕیاردا هژمار و کۆمپانیێن
سوپایێ پشتەڤانیا بلەز ل هەمی بانکێن سودان و لقێن دەرڤە بلۆک بکەت و شایستەیێن
داراییێن تەرخانکریێن خۆ ڕاگرتن.
د بڕیارێن خۆدا سەرۆکێ
سوپایێ سودان، حسین یەحیا جەنقول پارێزگارێ بەنکیێ ناڤەندا سودان ژ پۆستێ وی لادا
و بەرعی سدیق عەلی ئەحمەد ل جهێ وی دانا.
لدیڤ نویترین داتایان هەیا
نها ٧٠٠ کەس د بەرهنگاربوونێن چەکداریێن سوداندا ژیانا خۆ ژ دەستدانە و زێدەتری پێنج
هزار و ١٠٠ کەس ژی بریندار بوونە.
١٥ێ نیسانا ئەڤسالە ل
سودان، لێکدان دناڤەبەرا سوپایێ سودان و هێزێن پشتەڤانیا بلەز سەرهەلدا.