PM:06:21:12/05/2023
284 جار خوێندراوەتەوە
+
-
سەندیکایا نۆژدارێن سودان ڕاگەهاند، ژبەر ئالۆزیێن
چەکدارێن وی وەلاتی هەیا نها ٥٢٤ کەسان ژیانا خۆ ژدەستداینە و دوو هزار و ٨٧٢ کەس
ژی برینداربووینە.
ئەڤرۆ ئەینیێ، سەندیکایا نۆژدارێن سودان د ڕاگەهاندنەکێ
دا ئاماژە ب وێیەکێ کریە، د دەمێ ٢٧ رۆژێن ئالۆزیێن چەکدارێن سودانێ دا هەیا نها ٥٢٤
کەسان ژیانا خۆ ژدەستداینە و دوو هزار و ٨٧٢ کەس ژی برینداربووینە.
ئەویەک ژی بەرچاڤکریە، هەیا نها ل پشکەکا تاخێن باژێرێ
سودان شەڕ بەردەوامە و هایداریێ ژی ل زێدەبوونا هژمارا کۆشتی و برینداران ددەت.
بەرێ ژی، رێڤەبەرێ کارگێریێ سندوقا هاریکاریکرنا زارۆکان
یا سەر ب رێکخراوا نەتەوەیێن هەڤگرتی (یونیسێف) ڕاگەهاندبوو، ل دەستپێکا شەڕێ
سودانێ ڤە هەیا نها ١٩٠ زارۆکان ل وی وەلاتی ژیانا خۆ ژدەستداینە و هزار و ٧٠٠
زارۆکێن دی ژی برینداربووینە.
١٥ێ نیسانا ئەڤسالە ل سودان، شەڕ د ناڤبەرا ئارتێشا
سودان و هێزێن پشتەڤانیا بلەز دروستبوو.
ئەو شەڕ ژی پشتی وێیەکێ هات کو دەمێ چەند مەهانە دەنگە
دەنگەکا گەرم دەربارەی وێ چاکسازیا سەربازی بەردەوامە کو تێدا داخاز دهێتەکرن، "هێزێن
پشتەڤانیا بلەز ب تەمامی ببنە پشکەک ژ ئارتێشێ".