AM:12:06:12/05/2023
996 جار خوێندراوەتەوە
+
-
جێگرێ هاڤسەرۆکێ هەدەپێ
ڕاگەهاند، کورد ب ژڤانن د هەلبژارتنا ڤێ جارێ یا تورکیا دا ئەردۆغانی ژ حوکمی بیننە
خار و بۆ وێ مەرەمێ ژی دەنگێن خۆ ددەنە کلیچدارئۆغلوی. دەبێژیت ژی، "کلیچدارئۆغلو
چ خرابی لهەمبەر کوردان نەبووینە."
تەیب تەمەل جێگرێ هاڤسەرۆکێ
هەدەپێ د بەرنامەیێ تاوتوێ یێ ئێن ئاڕ تی دا راگەهاند، ئەردۆغانی داوی ب پڕۆسەیا
ئاشتیێ ئینا و ل جهێ وێ شەڕ دگەل بزاڤا ئاشتیێ کر و دناڤ تورکیادا هەیا نها ئازادی
ب کوردی ب ئاخڤی ئەگەر د میدیایەکێ دا کار بکەی خزمەتا ئەردۆغانی بکەت.
ئاماژە ب وێ ژی دا، ژبەر
وێ ب رایا کوردان هەمی گۆتن و بزاڤێن ئەردۆغان خرابن و حکومەتا وی و سەرۆکاتیا وی
ل تورکیا مفا بۆ کوردان نابیت.
ئەویەک ژی بەرچاڤکر، د
نهادا ئەردۆغان هەڤپەیمانە دگەل مەهەپێ و دەولەت باخچەلی سەرۆکێ وێ پارتێ کو دەمەکێ
دوویر و درێژە دژایەتیا کوردان دکەت ژبەر وێ ب باش نزانن جارەکادی ئەردۆغان ببیتە سەرۆکێ
تورکیا.
بەحسا وێ ژی کر، دبیت
دەسهەلاتداربوونا کەمال کلیچدارئۆغلو رکابەرێ سەرەکیێ ئەردۆغان نەبیتە سەدەمێ سەرکەفتنا
شۆرشا گەلێ کورد ژبەر وێ دڤێت کورد ب تێکۆشان بزاڤێن ب سەرخستنا شۆڕشا خۆ بدەن.
تەیب تەمەل زەلالژی کر،
دهەلبژارتنا ڤێ جارێ دا کورد ب ژڤانن ئەردۆغانی
ژ دەسهەلاتێ بیننە خار و بۆ وێ مەرەمێ ژی دشێن دەنگێن خۆ بدەنە کەمال کلیچدار ئۆغلو،
ژبەرکو تا نها وی کەساتی چ خرابی لهەمبەری کوردان نەبوونە.
گۆتژی، "هیڤی خازن
کلیچدارئۆغلو هەمان سیاسەتا ئەردۆغانی بکارنەئینبت و گۆهڕینان ئەنجامبدەت."
ئەڤە د دەمەکیدایە، بڕیارە
ل ١٤ێ ڤێ مەهێ هەلبژارتنا پەرلەمان و سەرۆکاتیا تورکیا بڕێڤەبچیت و ٦٤ ملیۆن و ١١٣
هزارو ٩٤١ دەنگدەران مافێ دەنگدانێ هەیە و ژ وێ ژمارێ ژی سێ ملیۆن و ٤١٦ هزارو ٦٧١
دەنگدەران ژدەرڤەی ولاتی مافێ دەنگدانێ هەیە و ژ کۆما گشتیا دەنگدەران ژی پێنج ملیۆن
و ٢٠٠ هزار دەنگدەرێن نوی کو ئێکەمجارە دەنگی ددەن پشکداریێ دکەن.