PM:11:53:08/05/2023
988 جار خوێندراوەتەوە
+
-
لگورەی داوی راپرسی لسەر هەلبژارتنێن تورکیا،
ئاستێ پشتەڤانیا دەنگدەران بۆ هەڤپەیمانیا میللـەت و هەڤپەیمانیا نشتیمانی ژ
هەڤدوو نزیکن. پسپۆڕەکێ پەیوەندیێن سیاسی ژی دبێژیت، "رەنگە ئەڤ هەلبژارتنە
بچنە خولا دوویێ".
ئیبراهیم ئوسلو پسپۆرێ پەیوەندیێن سیاسی بۆ
دەنگێ ئەمریکا ڕاگەهاند، لدیڤ داوی راپرسیان رەنگە ئەڤ هەلبژارتنە بچیتە خولا دوویێ.
ئاماژە ب وێ ژی دا، د ڤێ هەڤڕکیێ دا هەیا
نها چ ئەندامەکی ٥٠٪ێ تێنەپەڕاندیە.
دبێژیت ژی، هندەک جاران کەمال کلیچدارئۆغلو
و هندەک جاران رەجەب تەیب ئەردۆغان پێشڕەویێ دکەن، لێ گرنگ ئەوە کی د قۆناغا ئێکێ دا
٥٠+١٪ بدەستڤە دئینیت.
ئەویەک ژی بەرچاڤکر، ئەگەر ئەو دوو بەربژێرە
سەرکەفتنێ بدەستڤە نەئینن، ل وی دەمی ٢٨ێ مەها پێنج قۆناغا دوویێ یا هەلبژارتنان دێ
بڕێڤەچیت.
ئەو پسپۆرێ پەیوەندیێن سیاسی بەحسا وێ ژی کریە،
"د ڤان هەلبژارتناندا هێشتا ب زەلالی نابینین کی دێ سەرکەڤیت. د دیرۆکا تورکیادا
تا نها چ هەلبژارتنەک نەچوویە خولا دوویێ. ل تورکیا بۆ ئێکەمجار ل سالا ٢٠١٨ ێ سیستەمێ
قۆناغا دوویێ دەستپێکر. وەسا دیارە بۆ ئێکەمجار د ڤێ هەلبژارتنێ دا روویبدەت".
ئیبراهیم ئوسلو گۆتژی، سیستەمێ تورکیا جودایە
ژ سیستەمێ ولاتێن دی، ل تورکیا ب تنێ سەرۆککۆمار ناهێتە هەلبژارتن، بەلکو ئەندامێن
پەرلەمانی ژی دهێنە هەلبژارتن. ئەڤەژی تە بڤێت یان نە، زێدەتر قۆناغا دوویێ پەیدا
دکەت.
ئەڤە د دەمەکێدایە، بڕیارە ل ١٤ێ ٥ێ ٢٠٢٣ ێ هەلبژارتنا
پەرلەمان و سەرۆککۆمارێ تورکیا ل وی ولاتی برێڤە بچیت و دناڤدا رەجەب تەیب ئەردۆغان
سەرۆککۆمارێ نهایێ تورکیا و سەرۆکێ ئاکپارتی بەربژێرێ هەڤپەیمانیا نشتیمانییە بۆ پۆستێ
سەرۆککۆمار و کەمال کلیچدار ئۆغلو سەرۆکێ پارتی کۆماریا گەل بەربژێرێ هەڤپەیمانیا
میللەتە کو هەدەپە پشتەڤانیێ لێ دکەت و رکابەرێ بهێزێ ئەردۆغانی یە.