PM:07:56:05/05/2023
508 جار خوێندراوەتەوە
+
-
رێڤەبەرا کارگێڕیا سندوقا
هاریکاریکرنا زارۆکان یا سەر ب رێکخراوا نەتەوەیێن هەڤگرتی (یونیسێف) ڕاگەهاند، ژ
دەستپێکا پێکدادانێن سودان تا نها ١٩٠ زارۆکان ل وی ولاتی ژیانا خۆ ژ دەستدانە و هزار
و ٧٠٠ زارۆکێن دی ژی بریندار بوونە.
ئەڤرۆ ئەینی، کاسرین راسێل
ڕێڤەبەرا کارگێڕیا سندوقا هاریکاریکرنا زارۆکان یا سەر ب یونیسێف د ڕاگەهاندنەکێدا
ئاماژە ب وێ کریە، "داخاز ژ هەمی ئالیێن ناکۆکێن سودان کریە پابەندبن ب بەرپرسیارەتیێن
نێڤدەولەتیێن مرۆڤی و ئاسایشا زارۆکان بپارێزن.
بەحسا وێ ژی کریە، سازیا یونیسێف
ل سودان زەرەر بەر کەفتینە و ژێدەرێن وان تالانکرینە، بەردەوامیا ئالۆزیێن وی ولاتی
نەشێن هەڤکاریێن خۆ بگەهیننە زارۆکێن سودان.
ئەویەک ژی بەرچاڤکر، یونیسێف
ژ پێخەمەت مەزنبوونا زارۆکێن سودان د سەقایەکێ ئارامدا داخازا چارەسەریەکا سیاسیا دەم
درێژ بۆ ڤان قەیرانان دکەت.
پێشترژی وەزارەتا ساخلەمیا
سودان راگەهاندبوو، د ئەنجامێ لێکدانان دا ل هەمی ولاتی، ٥٥٠ کەسان ژیانا خۆ ژ
دەستدانە و چار هزار و ٩٢٦ کەس ژی برینداربوونە.
١٥ێ نیسانا ئەڤسالە ل خەرتووما
پایتەختا سودان و باژێرێن دیێن سودان، پێکدادان دناڤبەرا سوپایێ سودان و هێزێن پشتەڤانیا
بلەزدا سەرهەلدا.