PM:03:22:03/05/2023
1076 جار خوێندراوەتەوە
+
-
کۆچکا سەرۆکاتیا روسیا ڕاگەهاند، ب دوو بالەفرێن بێ بالەفرڤان بزاڤ هاتنەکرن
سەرۆکێ روسیا تیرۆر بکەن لێ شکەستن ئینا.
ئەڤرۆ چارشەمبی، کۆچکا سەرۆکاتیا روسیا بەرنیاس ب کرملن ڕاگەهاند، دوهی ب
شەڤ شکەستن ب بزاڤەکا کیێڤ ئینایە بۆ تیرۆرکرنا ڤلادمیر پوتینێ سەرۆکێ روسیا.
کۆچکا کرملن دبێژیت ژی، ئەو هێرشە ل رێکا دوو بالەفرێن بێ بالەفرڤان هاتیە
ئەنجامدان و ل رێکا بکارئینانا سیستەمێ "شەرێ رادار" هەردوو بالەفرێن بێ
بالەفرڤان ژ کار خستینە.
کۆچکا کرملن ئاماژە ب وێ ژی کر، د وێ بوویەری دا سەرۆکێ روسیا سەلامەت بوویە
و چ زەرەرەکا دیا ژیان ژ دەستدانێ ژی نەبوونە و ئەو کردارە ب "تیرۆریستی"
بناڤ کر.
ئەڤەژی د دەمەکێدایە، دەمێ سالەک و سێ مەهن ب فەرمانا ڤلادمێر پوتینی، شەرێ
ئۆکرانیا- روسیا روویدایە و ل سالڤەگەرا وی شەری، ڤلادمێر پوتینێ سەرۆکێ روسیا راگەهاند،
بەردەوام دبین ژ شەری هەیاکو روسیا دگەهیتە ئارمانجا خۆ.