PM:05:24:30/04/2023
448 جار خوێندراوەتەوە
+
-
ئەحمەد تورک سیاسەتمەدارێ بەرنیاسێ کورد ل باکورێ کوردستانێ ڕاگەهاند، پێتڤیە
د هەلبژارتنێن تورکیا دا کورد ئێگرتی بن، ژبەرکو چ لایەنێن سیاسی و چ کەس بێی
کوردان نەشێن سەرکەفتی بن.
ئەحمەد تورک سیاسەتمەدارێ کورد و سەرۆکێ بەرێترێ باژێرڤانیا ماردین، د دەمێ
بانگەشەیا هەلبژارتنێن ١٤ێ ئایارا تورکیا و ناساندنا بەربژێرێن پارتا چەپا کەسک
بەرنیاس ب "یەسەپ" دا ئاماژە ب وێیەکێ کر، کورد د هەلبژارتنان دا سەرکەفتنەکا
مەزن تۆماردکەن و د پەرلەمانی دا فراکسیۆنەکا بهێز دروستدکەن.
گۆت ژی، د نها دا نێزیکی دوو هزار سیاسەتمەدار و چالاکڤانێن کورد د زیندانێ
دانە، ژبەر وێیەکێ پێتڤیە ژپێخەمەت ئازادکرنا وان، لبن سەیوانا پارتا چەپا کەسک و
هەڤپەیمانیا رەنج و ئازادی کۆمببین و دەنگێن خۆ ئێک بئێخن.
ئەحمەد تورک بەرێ ژی ئاماژە ب وێیەکێ کربوو، دهێتە پێشبینیکرن کورد د
هەلبژارنا ڤێ جارێ دا نێزیکی ٩٠ کورسیان بدەست بئینیت.
ئەڤە د دەمەکی دایە، راپۆرتەکا شیکاریا ئەمریکا ئاماژە ب وێیەکێ کر، لگۆڕ
زانیاریێن نەفەرمی ٢٥ بۆ ٣٠ ملیۆن کوردان ل تورکیا دژین و د وێ کڤانێ ژی دا نێزیکی
١٥ ملیۆن وەلاتیێن کورد مافێ دەنگدانێ هەیە، لێ پارتێن کوردی بسەر هەڤپەیمانیان دابەش
بووینە و نەشیاینە هێلا گشتیا یەکگرتوو بپارێزن.
ل ٢٤ێ ٤ێ ٢٠٢٣ێ موسلم دۆغان وەزیرێ بەرێ یێ گەشەپێدانێ د کابینەیا ویزاریا
ئەحمەد داود ئۆغلۆ دا بۆ دەنگێ ئەمریکا ڕاگەهاند، ئاریشەیا کوردان ئاریشەیەکا سەد
سالەیە، هەرچەندە ئەو پرس ئالۆزە، لێ دشێن ب هند پێنگاڤێن دیار چارەسەر بکەن.
دەربارەی هەلبژارتنان ئاماژە ب وێیەکێ کر، حکومەتێ و ئۆپۆزسیۆنێ چاڤ ل
دەنگێ کوردانە، لێ چ پرۆژەیەکێ بەرچاڤ بۆ چارەسەرکرنا ئاریشەیا کوردان نیشان
نادەن.
دبێژیت ژی، پشتی هەلبژارتنان هەر ئەنجامەک بیت بلا ببیت، لێ بۆ ئاشتیا
هەردەمی دڤێت حکومەتا نووی ئاریشەیا کوردان چارەسەر بکەت.
بەحسا وێ ژی کر، ئەگەر ئاریشەیا کوردان نەهێتە چارەسەرکرن،
ئاریشەیێن تورکیا وەکی جاران بەردەوام دبن.
رۆژا ئەینی ٢٨ێ ٤ێ ٢٠٢٣ میتحەت سانجار هەڤسەرۆكێ پارتیا
دیموكراتا گەلان د داخویانیەکا رۆژنامەڤانیدا ئەشکرا کر، "د هەلبژارتنا سەرۆكاتیا
كۆماریا توركیادا، مە پشتەڤانی ژ كەمال كلیچدار ئۆغڵویێ بەربژێرێ هەڤپەیمانیا میللەت
دكەین".
ئاماژە ب وێ ژی دا، وان دوو ئارمانجێن ستراتیجی د ڤێ هەلبژارتنێدا
هەنە ئەوژی داوی ئینانە ب رژێما تاكە كەسی و ببنە كارتێکەرێن هێزێ د گۆڕانکاریا دیموكراسیدا.
گۆتژی، "ئەو مەرەمەژی دیارن دگەل كەمال كلیچدار ئۆغڵو
هەڤدگرن ژبەر وێ پشتەڤانیێ لێ دکەین".
بڕیارە ل ١٤ێ ٥ێ ٢٠٢٣ هەلبژارتنا سەرۆکاتیا تورکیا بڕێڤەبچیت
و هەرئێک ژ رەجەب تەیب ئەردۆغان سەرۆکێ نهایێ تورکیا و سەرۆکێ ئاک پارتی و کەمال
کلیچدار ئۆغڵو سەرۆکێ جەهەپە دوو بەربژێرێن رکابەرێن هەڤدوونە.
ل ٢١ێ ٤ێ ٢٠٢٣ سازیا ڤەکۆلینێ یۆنەیلەم تایبەت ب راپرسیێ
ل نویترین راپرسیدا بەلاڤ کر، د
هەلبژارتنا ١٤ێ ٥ێ ٢٠٢٣ رەجەب تەیب ئەردۆغان سەرۆکێ نهایێ تورکیا و سەرۆکیێ پارتیا
دادو گەشەپێدان (ئاکپارتی) لهەمبەر "کەمال کلیچدار ئۆغڵو "بەربژێرێ هەڤپەیمانیا
میللەت شکەستنێ دئینیت.