AM:09:33:29/03/2023
1092 جار خوێندراوەتەوە
+
-
وەزارەتا گەنجینەیا ئەمریکا
ب هەماهەنگی دگەل دادگەها بەریتانیا سزا بسەر چەندین ئالیێن لوبنانی و سوریدا سەپاند
کو ل رێکا بازرگانیا ماددەیێن بێ هۆشکەر هەڤکاریا بەشار ئەسەدێ سەرۆکێ سوریا کریە.
جهێ ئاماژێ یە کو ئەو سزایە خێزانا بەشار ئەسەدی ژی بخۆڤە دگریت.
وەزارەتا گەنجینەیا ئەمریکا
ڕاگەهاندنەک بەلاڤکریە و دناڤدا هاتیە، لگورەی پێشبینیان بازرگانیا کپتاگۆن کو
ماددەیەکێ چالاککەرێ مەترسیدارە ملیارەها دۆلار بۆ سیستەمێ حوکمڕانیا سوریا پەیدا
دکەت.
ئاماژە ب وێ ژی دا، سزا
بسەر وان قاچاغچیێن لوبنانی دهێتە سەپاندن کو کارێ قاچاغیا ماددەیێن بێ هۆشکەر دکەن
و هندەک ژ وان پەیوەندی ب گرۆپێن چەکداری ڤە هەیە.
ئەو یەک ژی بەرچاڤکریە،
جودا ژ وان ئالیان ژی ئەو سزایە خێزانا بەشار ئەسەدێ بالادەستێ سوریا بخۆڤە دگریت
ب تۆهمەتا بازرگانیکرن ب ماددەیێن بێ هۆشکەرێ کپتاگۆن و پشتەڤانیکرن ژ کردارێن تەپەسەرکرنا
وەلاتیان.
گۆتژی،" لیستا
سزایان ناڤێ سامر کەمال ئەسەد و وەسیم بەدیع ئەسەد کو کەسێن نێزیک ژ بەشار ئەسەدێ
سەرۆکێ سوریا بخۆڤە دگریت."
ژ ئالیەکێ دی، ئەندریا
جاکی ڕێڤەبەرێ نڤسینگەها چاڤدێریا سامانێن بیانی راگەهاند، سوریا بوویە سەرکردەیا
بەرهەمئینانا ماددەیێن کپتاگۆن کو دبیتە سەدەمێ ئالوودەبوون و زۆربەیا وان ماددەیان
ژی ل رێکا لوبنان ب قاچاغ دهێتە رەوانە کرن.
گۆتژی، "وەزارەتا
گەنجینەیا ئەمریکا ب هەماهەنگی دگەل دادگەها بەریتانیا ئەڤ سزایایە سەپاندینە".