ژ ئەنجامێ لادانا شەمەندەفەرەکێ و دەرکەفتنێ ژ رێڕەوا ئاسنیا خۆ، لێکدان دگەل شەمەندەفەرەکا دی کریە ل دەڤەرا بالاسور ل هەرێما ئۆدیشا ل هندستان و ٥٠ کەسان ژیانا خۆ ژ دەستدان و ٣٠٠ کەسێن دی ژی برینداربوون.
رووپەلێ "گڵۆباڵ فایەر پاوەر"ێ جیهانی ریزبەندیا سالانەیا خۆ بۆ بهێزترین سوپایێن جیهانێ بەلاڤکر و لگور وێ ریزبەندیێ چەند سوپایێن ولاتێن عەرەبی د پێشیا سوپایاندانە و عێراق ژی د پلەیا ٤٥ێ دایە.
ب سەدەمێ دروستبوونا لەهیێ ل پاێزگەها گۆر ل رۆژئاڤایا ئەفغانستان، حەفت کەسان ژیانا خۆ ژدەستدان.
گریگ جانفۆرتا حاکمێ ویلایەتا مۆنتانایا ئەمریکا، یاسایا قەدەغەرکرنا ئەپلیکەیشنا تیکتۆکی ئیمزاکر و ب وێ ژی تیکتۆک ل وێ ویلایەتا دهێتە بلۆککرن.
پارتیا نویخواز کو پارتەکا ئۆپۆزسیۆنیە شیا د هەلبژارتنا گشتیا تایلەند دا سەرکەفتنێ بدەستڤە بینیت و ببیتە خودان زۆرترین دەنگ.
پشتی ٣٠ رۆژێن بەرهنگاربوونا چەکدارییا دناڤبەرا سوپایێ سودان و هێزا پشتەڤانیا بلەزا وی ولاتی دا، فەرماندەیێ گشتیێ هێزێن پشتەڤانیا بلەز دەنگۆیێ کوشتنا خۆ رەتدکەت. لدیڤ ئاماران ژی هەیا نها نێزیکی ٧٠٠ کەسان ژیانا خۆ ژ دەستدانە.
سەرۆکاتیا هێزا بەرەڤانیا ئەسمانیا ئەمریکا "نوراد" راگەهاند، شەش بالەفرێن روسیا ل نێزیک دەڤەرا بەرەڤانیا ئەسمانیا ئالاسکا راگرتینە.
سەندیکایا نۆژدارێن سودان ڕاگەهاند، ژبەر ئالۆزیێن چەکدارێن وی وەلاتی هەیا نها ٥٢٤ کەسان ژیانا خۆ ژدەستداینە و دوو هزار و ٨٧٢ کەس ژی برینداربووینە.
وەزارەتا بەرەڤانیا ئەلمانیا سوز دا ئوکرانیا کو پشتەڤانیا وان ل دژی روسیا بکەت، هەرچەند ئەو شەر درێژێ بکێشیت ژی.
ب سەدەمێ باران و باهوز و لەهیان ل هەرێما کیڤو ل روژهەلاتا کونگو کو هەڤسنورە دگەل ولاتێ روەندا زێدەتری ١٧٦ کەسان ژیانا خو ژ دەست دان.
رێڤەبەرا کارگێڕیا سندوقا هاریکاریکرنا زارۆکان یا سەر ب رێکخراوا نەتەوەیێن هەڤگرتی (یونیسێف) ڕاگەهاند، ژ دەستپێکا پێکدادانێن سودان تا نها ١٩٠ زارۆکان ل وی ولاتی ژیانا خۆ ژ دەستدانە و هزار و ٧٠٠ زارۆکێن دی ژی بریندار بوونە.
شێورمەندێ ئاسایشا نەتەوەییێ ئەمەریکا ڕاگەهاند، سبەهی دێ سەرەدانا سعودیە کەت بۆ گۆتوبێژکرن دگەل سەرکردەیێن وی ولاتی و بەرپرسێن هندستان و ئیمارات.
سپێدەهیا ئەڤرۆ ل دەمژمێر ٩ دەرگەهێ بنگەهێ دەنگدانێ ل کونسولخانا تورکیا ل هەولێرێ ب روویێ دەنگدەرێن تورکیا هاتە ڤەکرن و پرۆسەیا دەنگدانێ بۆ هەلبژارتنا سەرۆککۆمارەکێ نووی و ٦٠٠ ئەندام پەرلەمانێن وی وەلاتی دەستپێکر، بڕیارە ئەو پرۆسە ل هەرێمێ و عێراقێ بۆ دەمێ سێ رۆژان بەردەوام بیت.
سەرۆکێ ئەمریکا دەستهەلا ئیدارەیا خۆ بۆ سەپاندنا سزایێ بسەر سودان بەرفرەهکر و داخاز کر خیانەت ل وەلاتیان نەهێتەکرن و هەڤرکیان رابگرن.
ب سەدەمێ هێرشەکا چەکداری ل نێزیک باژێرێ میلادینۆڤاک ل سیربیا هەشت کەس هاتنە کۆشتن و ١٣ کەسێن دی ژی برینداربوون.
کۆچکا کرملن ڕاگەهاند، واشنتۆن بەرپرسیار و تۆهمەتبارە ب ئەنجامدانا هێرشا سەر کۆچکا کرملن ل مۆسکۆ نەک کیێڤ. د هەمبەردا کۆچکا سپی دبێژیت، "کرملن درەوان دکەت".
ئەمیندارێ گشتیێ کۆمکارا عەرەبی ڕاگەهاند، سوریا ڤەدگەرێتە ڤە بۆ ناڤ کۆمکارێ و پشکداریا جڤینا سعودیە دکەت.
پشتی کو پێر ل بەغدا سەرۆکا فراکسیۆنا نەوەی نوێ دیتی، ئەڤرۆ بەرپرسەکا بلندا ئەمریکا گەهشتە هەرێمێ و دگەل بەرپرسێن حکومەتا هەرێمێ جڤیا و جارەکا دی هۆشداریا ئەنجامدانا هەلبژارتنێ ب بەرپرسێن هەرێمێ دا.
کۆچکا سەرۆکاتیا روسیا ڕاگەهاند، ب دوو بالەفرێن بێ بالەفرڤان بزاڤ هاتنەکرن سەرۆکێ روسیا تیرۆر بکەن لێ شکەستن ئینا.
شاندیا تایبەتا سکرتێرێ گشتیێ نەتەوەیێن هەڤگرتی ل عێراقێ ڕاگەهاند، دەربارەی تایبەتمەندیا عێراقێ و کاریگەربوونا وێ ب گۆهڕینێن سەقای و مەترسیان بۆ سەر ئاسایشا نەتەوەیی و خارنێ راپۆرتەکێ بۆ جڤاتا ئاسایشا نێڤدەلەتیا سەر ب نەتەوەیێن هەڤگرتی بلند دکەت.