AM:11:46:26/08/2026
160 جار خوێندراوەتەوە
+
-
چاڤی دوپاتیکردەوە دەیەوێت شێوازی یاریکردنی
هۆڵەندا بگۆڕێت و باسی لە کرۆڤیش کرد.
چاڤی هێرناندێزی ڕاهێنەری ئیسپانی، لە کۆنفرانسی
ڕۆژنامەوانیی ناساندنی وەک ڕاهێنەری نوێی هەڵبژاردەی هۆڵەندا ڕوونی کردەوە کە
پەیوەندییەکی زۆری بەم وڵاتەوە هەیە و دەیەوێت تیپەکەی بەردەوام تۆپی بەدەستەوە
بێت و بە جۆش و خڕۆشەوە یاری بکات چونکە هاتوون بۆ کێبڕکێکردن، چێژوەرگرتن و
بردنەوە.
چاوی
ئاماژەی بەوە دا کە دەزانێت ڤان خال و کۆمان بە پێنج بەرگریکار لە دواوە یارییان
دەکرد، بەڵام ئەمە بیرۆکەی ئەو نییە و بە سیستەمێک یاری دەکات تا کۆنتڕۆڵی
زیاتریان بەسەر یارییەکانەوە هەبێت.
سەبارەت بە فرێنکی دی یۆنگ ئاشکرای کرد کە زۆر
بەم هەڵبژاردنە دڵخۆش و بەجۆشە و هیوای خواست بە خێرایی بگەڕێتەوە ئاستی ئاسایی
خۆی چونکە یاریزانێکی زۆر گرنگە بۆ هەموویان.
چاوی
جەختی کردەوە کە هەست بە پەستان دەکات بەڵام خۆی بە براوە و سەرکەوتوو دەزانێت و
بە تەواوی ئامادەیە؛ هەروەها لەسەر کاریگەریی یۆهان کرۆیڤ ئاماژەی بەوە دا کە لە
ساڵانی کۆتایی ژیانیدا زۆر قسەی لەگەڵ کردووە و لێیەوە فێر بووە، وە پێویستە
بەردەوام وزەی ئەرێنی ببەخشێت و زەردەخەنە بکات، چونکە کاتێک چێژ لەم ڕێگەیە
وەربگرن زیاتر لە کرۆیڤ نزیک دەبنەوە.