PM:11:53:28/11/2021
1040 جار خوێندراوەتەوە
+
-
تۆخێل لە ئاستی یاریزانەکانی ڕازییە و دەڵێت یەکسانبوون بەرامبەر یانە
گەورەکان سرووشتییە.
لە کۆنگرەیەکی ڕۆژنامەنووسیدا تۆماس تۆخێلی ڕاهێنەری چێڵسی سەرەڕای
یەکسانبوونی یانەکەى بەرامبەر مانچستەر یونایتد ستایشی یاریزانەکانی کرد کە
توانیان ئەوەى پێویست بێت بەرامبەر ڕکابەرەکەیان پێشکەشی بکەن و کارێکی سرووشتیشە
دووچاری یەکسانبوون بێن.
ڕاهێنەرە ئەڵمانییەکە ئاماژەى بەوەشدا لە نیوەى یەکەمدا باڵادەست بون و
چەندین هەلیان بۆ تۆمارکردنی گۆڵی پێشکەوتن لەدەستدا و لە نیوەى دووەمیشدا بەهۆی
هەڵەیەکەوە ڕکابەرەکەیان هەلەکەى قۆستەوە و گۆڵی پێشکەوتنیان تۆمارکرد، بەڵام توانیان
هەڵەکە ڕاسبکەنەوە و ئەنجامەکە یەکسانبکەنەوە.
هەروەها تۆخێل نیگەرانی لە دەستدانی چوارخاڵی گرنگی لەدەستدا کە یەکەمیان
بەرامبەر بێرنلی و دووەمیشیان بەرامبەر مانچستەر یونایتد بووە و هیوادارن لە
داهاتوودا کار لەسەر هەڵە لاوەکییەکان بکەن و ئەنجامەکان بگۆڕن.