PM:09:31:28/11/2021
844 جار خوێندراوەتەوە
+
-
لە خولی ئینگلتەرا یاری لوتکەى ستامفۆرد بریجی چێڵسی و مانچستەر یونایتد بە
یەکسانبوون کۆتایی هات.
لە دوا یارییەکانی هەفتەى 13ی پریمەرلیگ یانەى چێڵسی لە ستامفۆرد بریج میوانداری
یانەى مانچستەر یونایتدی کرد.
تایمی یەکەمی یارییەکە بەبێ بەشداریکردنی ڕۆناڵدۆ لە مان یونایتد و لۆکاکۆ
لە چێڵسی بە یەکسانبونی سپی کۆتایی هات هەرچەندە کوڕانی تۆخێل کۆنترۆلی تەواوی ئەو
تایمەیان کرد.
لە تایمی دووەمدا کوڕانی ئۆڵد ترافۆرد بەهۆی هەڵەیەکی کوشندەى بەرگریکارانی
چێڵسی گۆڵی پێشکەوتنیان لە ڕێگەى سانچۆ لە خولەکی 50دا تۆمارکرد و لە بەرامبەرداو
لە خولەکی 69 جۆرجینیۆ بى لێدانی سزا ئەنجامەکەى بۆ شین پۆشەکان یەکسانکردەوە و
یارییەکەش تا فیکەى کۆتایی ناوبژیوان بەو ئەنجامە مایەوە.
بەو یەکسانبونەش چێڵسی بە 30 خاڵ پێشەنگی ڕیزبەندی پاراست و مان یونایتدیش
بە 18خاڵ لە خانەى هەشتەم دەبینرێت.