PM:08:02:28/11/2021
1144 جار خوێندراوەتەوە
+
-
دیمبلی ڕەتیکردوەتەوە
لە بەرشەلۆنە بەردەوام بێت و بەنیازە ڕیزەکانی یانەکەی جێبهێڵێت.
ڕۆژنامەی سپۆرتی
ئیسپانی بڵاویکردەوە، عوسمان دیمبلی هێرشبەری فەرەنسی یانەی بەرشەلۆنە
ڕەتیکردوەتەوە گفتوگۆی نوێکردنەوەی گرێبەستەکەی لەگەڵ یانەکەی بکات.
ڕۆژنامەکە
ئاشكرایکردووە، دیمبلی کۆتا ئۆفەری یانەکەی بەمەبەستی درێژکردنەوەی گرێبەستەکەی
ڕەتکردوەتەوە و ئامادەنییە لەو یانەیە درێژە بە یاریکردن بدات.
بڵاویشیکردوەتەوە،
هێرشبەرە فەرەنسیەکە بە نیازە بێبەرامبەر و دوای کۆتاییهاتنی گرێبەستەکەی لە
هاوینی ساڵی داهاتوودا پەیوەندی بە یانەکەی ترەوە بکات و وێستگەیەکی نوێ
تاقیبکاتەوە.
ڕونیشکردوەتەوە،
گرێبەستی باشتر لەوەی ئێستای لەلایەن یانەکانی ترەوە پێشکەشی دیمبلی کراوە کە
ساڵانە 20 ملیۆن یۆرۆ وەکو مووچە و پاداشتە بەو هۆیەش دەیەوێت لە بەرشەلۆنە بڕوات.
سپۆرت دەڵێت، دیمبلی دەیەوێت هەمان سیناریۆی
کیلیان مباپێی هاونیشتمانی دووبارە بکاتەوە و بە خۆڕایی یانەکەی جێبهێڵێت و ئەو
یانەیە هەڵبژێرێت کە خۆی دەیەوێت یاری تیا ئەنجامبدات.
خ . ک