PM:07:06:28/11/2021
860 جار خوێندراوەتەوە
+
-
لە خولی ئیتاڵیا میلان لەسەر ئەنجامە خراپەکانی بەردەوامە و بۆڵۆنیاش لە
یاریگای سیپیزیا سێ خاڵی گرنگی کۆکردەوە.
لە یارییەکانی هەفتەى 14ی خولی یانەپلەیەکەکانی ئیتاڵیا، میلان لە سانسیرۆ میوانداری
ساسۆلۆی کرد و یارییەکەى بە گۆڵێک بەرامبەر بە سێ گۆڵ دۆڕاند.
میلان لە نیوەى یەکەمدا و لە خولەکی 21 لەڕێگەى ڕۆمانیۆلی گۆڵی پێشکەوتنی
تۆمارکرد، بەڵام لە دوای سێ خولەک سکاماکا ئەنجامەکەى بۆ ساسۆلۆ یەکسانکردەوە و
دواتر بە 11 خولەک یانەى میوان گۆڵی دووەمی بەهەڵەی کایەر تۆمارکرد.
لە نیوەى دووەمیشدا ساسۆلۆ باشتر بینرا و گۆڵی سێیەمی بەهۆی بیراردی
تۆمارکرد.
بەو ئەنجامەش میلان بە 32 خاڵ لە پلەى دووەمدا مایەوە و ساسۆلۆش چووە پلەى
11یەمی ڕیزبەندی.
لە یارییەکی تردا بۆڵۆنیا بە سێ خاڵی گرنگەوە گەڕایەوە یاریگای خۆی پاش
ئەوەى بە گۆڵێکی ئارناتۆڤیچ لە یانەى سیپیزیای بردەوە.