PM:06:25:28/11/2021
704 جار خوێندراوەتەوە
+
-
هالاند بەردەوامە لە
ئاستە بەرزەکەی و بوە بچوکترین یاریزان لە تۆمارکردنی گۆڵ لە خولی ئەڵمانیدا.
لە یاری یانەکەی
بەرامبەر ولفسبۆرگ لە هەفتەی 13ی خولی ئەڵمانیدا، ئیرلینگ هالاندی یاریزانی یانەی
بروسیا دۆرتمۆند دوای گەڕانەوەی لە پێکان توانی دوای حەوت خولەک بەشداریکردن گۆڵێک
تۆمار بکات.
تۆڕی ئۆپتا بۆ
ئامارەکان بڵاویکردەوە، ئیرلینگ هالاندی یاریزانی یانەی بروسیا دۆرتمۆند بوە
بچوکترین یاریزان کە بتوانێت 50 گۆڵ تۆماربکات لە خولی ئەڵمانیدا.
تۆڕەکە ئاشكرایکردوە،
هالاند تەمەنی 21 و ساڵ و چوار مانگ و شەش ڕۆژە و تاکە یاریزانە کە بتوانێت لە
مێژووی خولی ئەڵمانیدا لەو تەمەنەدا ئەو ژمارە گۆڵە تۆماربکات.
ئاماژەی بەوەشداوە،
هالاند بەردەوامە لەسەر ژمارە سەنجڕاکێشەکانی و تا ئێستا لە 70 یاری یانەکەیدا
بەشداریکردووە لەسەرجەم پاڵەوانیەتیەکاندا و خاوەنی 71 گۆڵ و 19 ئەسیستە بە درێسی
یانەکەیەوە.
خ . ک