لێدوانی پۆچیتینۆ لەسەر پێکانی نەیمار و بردنەوەیان لە سانت ئیتیان

PM:06:03:28/11/2021

1016 جار خوێندراوەتەوە

+ -

پۆچیتینۆ دلخۆشی خۆی بە ئاستی یانەکەی دوپاتکردەوە و ڕاشیگەیاند پێکانەکەی نەیمار قورسە و سبەینێ پشکنینی زیاتری بۆ ئەنجامدەدرێت.

دوای بردنەوەی یانەکەی لە یانەی سانت ئیتیان لە خولی فەرەنسیدا، ماوریسیۆ پۆچیتینۆی راهێنەری یانەی پاریس سان جێرمان دلخۆشی خۆی بە ئاستی یاریزانەکانی دوپاتکردەوە.

پۆچیتینۆ وتی: دوای شکستمان بەرامبەر مانچستەر سیتی لە جامپیۆنز لیگدا ئەم بردنەوەیە زۆر گرنگ بوو، سەرجەم یاریزانەکانم ئاستبەرزی خۆیان پیشاندا .

وتیشی: لە تۆپی پێدا ڕۆژانە چەندین پڕوپاگەندە بڵاودەبێتەوە بەڵام من گرنگیان پێنادەم و تەنیا تەرکیزم لەی کارەکانمە لەگەڵ پاریس و بەرپرسانی یانەکەش پرۆژەیەکی گەورەیان هەیە بۆ داهاتوو ، پێکەوەش هەوڵی زیاتر بەرەوپیشبردنی یانەکە دەدەین.

لەسەر پێکانەکەی نەیمار ، پۆچیتینۆ دەڵێت، پێکانەکەی قورسبوو تەنانەت دوای یاریەکەش لە ژووری جلگۆرین هەستی بە ئازارێکی زۆر دەکرد لە پاژنەی پێیدا و سبەینێ پشکنینی زیاتری بۆ ئەنجامدەدرێت و دواتر جۆری پێکانەکەی ڕادەگەینرێت.

خ . ک