PM:04:20:28/11/2021
1436 جار خوێندراوەتەوە
+
-
دز چووەتە سەر ماڵى ئەرتورۆ ڤیدال و بە بەهاى 400 هەزار یۆرۆ شتى لە
ماڵەکەدا بردووە.
ڕاپۆرتە ڕۆژنامەنوسیەکانى ئیتاڵیا ئاشکرایانکردووە، ڕووداوى دزیکردنەکەى
ماڵى ئەرتورۆ ڤیدالى چیللى یاریزانى یانەى ئینتەر میلان لە باکورى ئیتاڵیا، ئێوارەى
حەوتى ئەم مانگە ڕوویداوە، لە کاتى یارى دێربى میلاندا.
ڕاگەیاندنەکان دووپاتیدەکەنەوە، لە کاتى دەستپێکردنى یارییەکەى نێوان میلان
و ئینتەر لە خولى ئیتاڵیادا، دزەکە چووەتە سەر ماڵەکەى ڤیدال و ئۆتۆمبێلێکى جۆرى
مارسیدس و خشڵ و کاتژمێرى گرانبەهاى لە ماڵەکەدا بردووە.
ڤیدال بەوە ناسراوە، کە خۆشەویستییەکى زۆرى بۆ ئۆتۆمبێلە گرانبەهاکان هەیە
و لە تۆڕە کۆمەڵایەتیەکاندا بڵاویاندەکاتەوە.
ئەمە یەکەم جار نییە دزى لە ماڵى ڤیدال دەکرێت، پێشتریش کە لە یانەى
یۆڤانتۆس بوو، دز چووبووە سەر ماڵکەى لە شارى تۆرینۆدا.
گ . ف
