AM:09:07:28/11/2021
2272 جار خوێندراوەتەوە
+
-
بایرن میونشن بە تۆمارکردنى 102 گۆڵ لە 2021دا ژمارەیەکى پێوانەیى لە مێژووى
بۆندس لیگادا تۆمارکرد.
لیرۆى سانى گۆڵى بردنەوەى یانەى بایرن میونشنى بەرامبەر ئەرمینیا بیڵفیڵد تۆمارکرد،
لە هەفتەى 13ى خولى پلە یەکى تۆپى پێى ئەڵمانیادا.
تۆڕى ئۆپتا بۆ ئامارەکان بڵاویکردەوە، بەو گۆڵەى سانى یانە باڤاریەکە
ژمارەى گۆڵەکانى لە خولى ئەڵمانیا لە 2021دا بۆ 102 گۆڵ بەرزکردەوە، ئەمەش
بەرزترین ڕێژەى گۆڵ تۆمارکردنە لە ماوەى ساڵێکدا لە مێژووى خولەکەدا.
بەمەش بایرن میونشن دواى 44 ساڵ ژمارە پێوانەییەکەى یانەى کۆڵنى شکاند، کە
ئەم لە 1977دا 101 گۆڵى لە بۆندس لیگادا تۆمارکردبوو.
پێشتر بەرزترین ڕێژەى گۆڵکردنى بایرن میونشن لە ساڵێکدا لە خولى ئەڵمانیادا
99 گۆڵ بوو، کە لە 1972دا تۆماریکردبوو، لە 2019شدا بە تۆمارکردنى 98 گۆڵ لەو
ژمارەیە نزیکبووبوەوە.
گ . ف
