PM:01:16:25/02/2026
176 جار خوێندراوەتەوە
+
-
سیمیۆنی دوپاتیکردەوە دڵخۆشە بە ئاستی
یاریزانەکانی و بیر لە گەورەکانی ئەوروپاش ناکاتەوە.
دیێگۆ سیمیۆنی دوای سەرکەوتنە گەورەکەی ئەتلەتیکۆ
مەدرید بەرامبەر کڵۆپ بروج و سەرکەوتن بۆ قۆناغی 16 چامپیۆنز لیگ، بە شانازییەکی
زۆرەوە باسی لە ئاستی یاریزانەکانی کرد و رایگەیاند کە گەڕانەوە بۆ ئەم قۆناغە بۆ
یانەکەیان بایەخێکی گرنگ و ستراتیژی هەیە.
سیمیۆنی ئاماژەی بەوەش کرد، ئێستا کاتی
بیرکردنەوە لە گەورەکانی ئینگلتەرا وەک لیورپول و تۆتنهام نییە، بەڵکو دەبێت چێژ
لەم پێشکەوتنە وەربگرن و هەوڵ بدەن لە قۆناغەکانی داهاتووشدا هەنگاوی گەورەتر
بنێن، چونکە یاریزانەکانی خاوەنی ئەزموونێکی زۆرن لە تێپەڕاندنی یارییە سەختەکاندا.
سەبارەت بە تاکتیکی یارییەکە، سیمیۆنی داکۆکی لە
بڕیاری بەشداریپێکردنی ئەلێکساندەر سۆرلۆس کرد و باسی لەوەکرد، ئەم یاریزانە بەهۆی
هێزە جەستەییەکەی و سەرکەوتنی لە نێو یاریگادا، دەستکەوتێکی گەورە بووە بۆ تیپەکە.
هەروەها ستایشی جانی کاردۆسۆی کرد کە بە
تۆمارکردنی گۆڵ لە سەرەتای نیوەی دووەمدا، نەک هەر متمانەی بە خۆی بەخشی، بەڵکو
هاوسەنگی و سەقامگیریشی بۆ هێڵەکانی ئەتلەتیکۆ گەڕاندەوە.
لە کۆتایی قسەکانیدا، سیمیۆنی بە سۆزێکی زۆرەوە
باسی لە ماندووبوونی یاریزانەکانی کرد و وتی: بینینی حەماسەتی یاریزانانی وەک
لوکمان و گریزمان دوای هاتنیان بۆ ناو یاریگا، کاریگەرییەکی زۆری لەسەر دروست کردم.