PM:02:23:09/02/2026
308 جار خوێندراوەتەوە
+
-
یاماڵ و دۆوی و
یەڵدز و هاوسن لە باشترین پێکهاتەی لاوانی ساڵی رابردوودان و رێستێسی فەرەنسیش
گۆڵپارێزە.
پێگەی فیدراسیۆنی نێودەوڵەتی
ئامار و مێژووی تۆپی پێ باشترین پێکهاتەی ساڵی 2025ی لەسەر ئاستی لاوان بڵاوکردەوە
کە پەیوەستە بە ئاستی یاریزانەکان لە یارییەکانی هەڵبژاردە و یانەکانیان.
ئەو پێگەیە
ئاشكرایکردووە، هەریەکە لە لامین یاماڵی ئەستێرەی یانەی بەرشەلۆنە و دیزێری دۆوی یاریزانی
پاریس سان جێرمان و ئیسان نوانێری هێرشبەری ئینگلیزی لە هێڵی هێرشبردنی
پێکهاتەکەدان.
جگە لەوەش لە هێڵی
ناوەڕاست چوار یاریزان دەبینرێن کە ئەوانیش ئاردا گولەری ئەستێرەی یانەی ریاڵ
مەدرید و زاێر ئێمری پاریس سان جێڕمان و کینان یەڵدزی یاریزانی یۆڤانتۆس و
رۆدریگۆمۆرای پۆرتوگالین.
لە هێڵی بەرگریشدا
سێ یاریزان دەبینرێن کە پێکهاتوون لە دین هاوسنی یاریزانی ریاڵ مەدریدی ئیسپانی و پاو
کۆبارسی ئەستێرەی یانەی بەرشەلۆنە و لویس کیلی ئارسناڵن.
بە پێی ئەو پێگەیە
بێت، گیولاومی رێستێسی فەرەنسی و گۆڵپارێزی یانەی تۆڵۆز بە باشترینی ساڵی رابردوو دیاریکراوە
و بە گۆڵپارێزی باشترین پێکهاتەی لاوانی ساڵی 2025 هەڵبژێردراوە.
خ . ک