PM:02:51:02/12/2025
116 جار خوێندراوەتەوە
+
-
سبەینی لە جامی عەرەب عێراق رووبەڕووی
بەحرەین دەبێتەوە و دەیەوێت بە بردنەوە دەستپێبکات.
یارییەکانی جامی عەرەب بە بەشداریکردنی 16
هەڵبژاردە بەردەوامی هەیە و سبەینێ لە کۆمەڵەی چوارەمدا، هەڵبژاردەی عێراق
بەرامبەر هەڵبژاردەی بەحرەین یارییدەکات.
یارییەکە لە کاتژمێر پێنج و 30 خولەکی
ئێوارە لە یاریگای 974 لە دەوحەی پایتەختی
قەتەڕ بەڕێوەدەچێت بە ناوبژیوانی گێسلی ئۆچۆی ناوبژیوانی گابۆنی کە یارییەکە
بەڕێوەدەبات.
شێرەکانی رافیدەین لە کۆمەڵەی چوارەمی
جامی عەرەبدایە شانبەشانی هەڵبژاردەکانی جەزائیر و بەحرەین و سودان، دوو
هەڵبژاردەشیان دەگاتە قۆناغی 16ی جامەکە.
ئەو دوو هەڵبژاردەیە لە مێژوودا 23 جار
رووبەڕووی یەکبونەتەوە لەسەرجەم پاڵەوانێتییەکاندا، عێراق لە هەشت یارییدا
بردنەوەی بەدەستهێناوە و 32 گۆڵی تۆمارکردووە، بەحرەین شەش بردنەوەی هەیە و 26
گۆلی کردووە، لە نۆ یارییشدا یەکسانبوون.
هەڵبژاردەی عێراق لە مێژووی جامی عەرەبدا
خاوەنی زۆرترین نازناوە بە بردنەوەی چوار نازناو کە لە ساڵانی 1964 و 1966 و 1985
و دوایین جاریش لە ساڵی 1988دا بووە.
خ . ک